കപ്പയ്ക്കൊപ്പം ഉള്ളി ചേര്‍ക്കാത്ത ചെമ്മീന്‍ കറി

HIGHLIGHTS
  • വളരെ കുറച്ച് എണ്ണ ഉപയോഗിച്ച് തയാറാക്കാം
chemmen-kappa
SHARE

ഉള്ളി ചേര്‍ക്കാത്ത ചെമ്മീന്‍ കറി കപ്പ വേവിച്ചതിന്റെ കൂടെ കിടിലന്‍ കോമ്പിനേഷന്‍. 

ചെമ്മീന്‍ കറി

ചേരുവകൾ:  

•  ചെമ്മീന്‍ - 1/2 കിലോഗ്രാം
•  വെള്ളം - 1 1/2 കപ്പ്
•  കാശ്മീരി മുളകുപൊടി - 2 ടീസ്പൂൺ
•  ഫിഷ് മസാലപ്പൊടി - 2 ടീസ്പൂൺ
•  മഞ്ഞൾപ്പൊടി - കാൽ ടീസ്പൂൺ
•  ഇഞ്ചി  - 1 ഇഞ്ച് വലിപ്പത്തില്‍ (ചതച്ചെടുക്കണം)
•  കറിവേപ്പില - കുറച്ച്
•  കുടംപുളി - 3 കഷ്ണം (10 മിനിറ്റ് കുതിർത്ത് കഴുകി വയ്ക്കുക )
•  ഉപ്പ് - ആവശ്യത്തിന്
•  വെളിച്ചെണ്ണ - 1 ടീസ്പൂൺ

തയാറാക്കുന്ന വിധം

 • ചെമ്മീന്‍ വൃത്തിയാക്കി, കഴുകി എടുക്കുക.

 • മുളകുപൊടി എണ്ണ ഒഴിക്കാതെ ചെറിയ തീയില്‍ വെച്ച് 2-3 മിനിറ്റ് വറുത്തെടുക്കുക. .

• ഒരു ചട്ടിയിലേക്ക് വെള്ളമൊഴിച്ച് സ്റ്റൗവില്‍ വയ്ക്കുക. അതിലേക്ക് വറുത്തു വച്ച കാശ്മീരി മുളകുപൊടി, ഫിഷ് മസാലപ്പൊടി, മഞ്ഞൾപ്പൊടി, ഇഞ്ചി (ചതച്ചത്‌), കറിവേപ്പില, കുടം പുളി എന്നിവ ചേർത്ത് അടച്ചു വച്ച് 5 മിനിറ്റ് തിളപ്പിക്കുക.

 • അതിനുശേഷം ഇതിലേക്ക് കഴുകി വൃത്തിയാക്കി വച്ചിരിക്കുന്ന ചെമ്മീൻ ചേർത്ത് അടച്ചു വച്ച് ഒരു 10 മിനിറ്റ് വേവിക്കുക.

 • ശേഷം സ്റ്റൗ ഓഫ് ചെയ്ത് വെളിച്ചെണ്ണയും കുറച്ച് കറിവേപ്പിലയും ചേര്‍ത്ത് ചട്ടി ചുറ്റിച്ച് അടച്ചു മാറ്റി വയ്ക്കുക.

 • 2-3 മണിക്കൂര്‍ കഴിഞ്ഞ് എടുക്കുമ്പോഴാണ്‌ കൂടുതല്‍ ടേസ്റ്റ്.

 കപ്പ വേവിച്ചത്

ചേരുവകള്‍ :   

•  കപ്പ - 1/2 കിലോ
•  മഞ്ഞൾപ്പൊടി - കാൽ ടീസ്പൂൺ
•   തേങ്ങ - മുക്കാല്‍ കപ്പ്
•  മുളകുപൊടി - 1/2 ടീസ്പൂണ്‍
•  കറിവേപ്പില -കുറച്ച്
•  ഉപ്പ് - ആവശ്യത്തിന്
• വെളിച്ചെണ്ണ - 1 ടീസ്പൂണ്‍

തയാറാക്കുന്ന വിധം:    

•   കപ്പ കഴുകി തൊലി കളഞ്ഞ് ചെറിയ കഷണങ്ങളാക്കി മുറിച്ചെടുക്കുക. കഴുകി ആവശ്യത്തിനു വെള്ളവും ഉപ്പും മഞ്ഞള്‍പ്പൊടിയും കുറച്ച് കറിവേപ്പിലയും ചേർത്ത് വേവിക്കുക.
•   കപ്പ നന്നായി വെന്തു കഴിഞ്ഞാൽ വെള്ളം ഊറ്റി കളയുക.
•  അതിലേക്ക് തേങ്ങയും മുളകുപൊടിയും ചേർത്ത് നന്നായി യോജിപ്പിക്കുക.
• കടുകും കറിവേപ്പിലയും ഉണക്കമുളകും വെളിച്ചെണ്ണയില്‍ താളിച്ച് ചേര്‍ത്താല്‍ കപ്പ വേവിച്ചത് റെഡി.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA