അരി ഇടയാതെ വറുക്കാതെ പുട്ടുപൊടി തയാറാക്കാം
Mail This Article
×
വെറും 10 മിനിറ്റ് കൊണ്ട് തന്നെ അരി ഇടയാതെ, വറുക്കാതെ പൂവു പോലെയുള്ള പുട്ട് തയാറാക്കി എടുക്കാം. സാധാരണ പുട്ടിനെക്കാൾ രുചിയും മണവും കൂടുതലാണ്.
ചേരുവകൾ
- പച്ചരി (ബസ്മതി അരിയോ കൈമ അരിയോ ഉപയോഗിച്ചാൽ രുചി കൂടും)
- തേങ്ങ ചിരകിയത് – ആവശ്യത്തിന്
- ഉപ്പ് – ആവശ്യത്തിന്
- വെള്ളം – ആവശ്യത്തിന്
തയാറാക്കുന്ന വിധം
- അരി നന്നായി കഴുകി ഒരു മണിക്കൂർ വെള്ളത്തിൽ കുതിർത്തു വയ്ക്കുക. വെള്ളം ഊറ്റിക്കളഞ്ഞ ശേഷം ഒരു കോട്ടൺ തുണിയിൽ നിരത്തിയിടുക.
- വെള്ളം തോർന്നതിന് ശേഷം മിക്സിയിൽ ഇട്ടു പൊടിക്കുക. നന്നായി ഒന്ന് ഇളക്കിയതിനു ശേഷം വീണ്ടും ഒന്നുകൂടി പൊടിക്കുക.അരി മിക്സിയുടെ വശങ്ങളിൽ പറ്റിയിട്ടുണ്ടെങ്കിൽ അതുകൂടി പൊടിഞ്ഞു കിട്ടുന്നതിനു വേണ്ടിയാണ് ഇങ്ങനെ ചെയ്യുന്നത്.
- ഈ പൊടി നേരെ ആവിയിൽ വേവിച്ചെടുക്കുക. പുട്ടുകുറ്റിയിൽ തന്നെ നിറച്ച് ആവി കയറ്റിയാൽ എളുപ്പത്തിൽ ആയി കിട്ടും. ഈ പൊടി വീണ്ടും മിക്സിയിലിട്ട് ഒന്ന് കറക്കി എടുക്കാം. പുട്ടുപൊടി തയാർ. ഇത് ഫ്രിഡ്ജിൽ ഒരാഴ്ച വരെ കേടാവാതെ ഇരിക്കും.
- ആവശ്യത്തിന് പൊടി എടുത്ത് ഉപ്പും, വെള്ളവും ചേർത്ത് നനച്ച് പുട്ട് തയ്യാറാക്കാം.
- വറുത്തെടുക്കുന്ന പുട്ടിനേക്കാൾ രുചിയും മണവും മയവും കൂടുതലാണ് ഈ പുട്ടിന്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.