വൈറ്റമിൻസ് ധാരാളം ഈ പച്ച തക്കാളി തോരനിൽ

ഊണിന് മലയാളികൾക്ക് നിർബന്ധമായ ഒരു വിഭവമാണ്  തോരൻ. പച്ചത്തക്കാളി വൈറ്റമിൻ സി യുടെ ഒരു കലവറ തന്നെയാണ്. പച്ച തക്കാളി കൊണ്ട് വളരെ എളുപ്പത്തിൽ രുചികരമായ ഒരു തോരൻ ഉണ്ടാക്കിയെടുക്കാം.

 ചേരുവകൾ

•  പച്ച തക്കാളി – 3 എണ്ണം അരിഞ്ഞത്
•  തേങ്ങ ചിരകിയത് – അര കപ്പ്
•  സവാള –1 അരിഞ്ഞത്
•  ജീരകം – ഒരു ടീസ്പൂൺ
•  കറിവേപ്പില
•  പച്ചമുളക് – എരുവിന് അനുസരിച്ച്
•  വറ്റൽമുളക് – നാലെണ്ണം
•  വെളിച്ചെണ്ണ

തയാറാക്കുന്ന വിധം

 ഒരു പാനിൽ എണ്ണയൊഴിച്ച് ചൂടായതിനു ശേഷം കടുകിട്ട് പൊട്ടിക്കുക.അതിലേക്ക് എടുത്തു വച്ചിരിക്കുന്ന കറിവേപ്പിലയും വറ്റൽ മുളകും ചേർക്കുക.അതിലേക്ക് അരിഞ്ഞു വെച്ചിരിക്കുന്ന സവാളയും പച്ചമുളകും ചേർത്ത് വഴറ്റുക.ആവശ്യത്തിനുള്ള ഉപ്പും മഞ്ഞൾപ്പൊടിയും ചേർക്കുക. അരിഞ്ഞു വച്ചിരിക്കുന്ന പച്ചത്തക്കാളിയും ചേർത്ത് 5 മിനിറ്റ് അടച്ചു വയ്ക്കാതെ വേവിച്ചെടുക്കുക. അഞ്ചു മിനിറ്റിനു ശേഷം ഒതുക്കിയ തേങ്ങയും ജീരകവും കൂടി ചേർത്ത് വാങ്ങുക.