മധുരം കിനിയും മധുരക്കിഴങ്ങ് ബ്രഡ്

മധുരക്കിഴങ്ങ് ചേർത്ത ബ്രഡ് രുചികരമായി വീട്ടിൽ തയാറാക്കാം.

ചേരുവകൾ

• മധുരക്കിഴങ്ങ് - 1 
• ബട്ടർ - 1/4 കപ്പ്
• യീസ്റ്റ് - 1 ടീസ്പൂൺ
• പഞ്ചസാര - 1 ടീസ്പൂൺ
• മുട്ട - 1 
• ബ്രൗൺ ഷുഗർ - 2 ടേബിൾസ്പൂൺ
• മൈദ - 2 കപ്പ്
• കറുവാപ്പട്ട - 1/2 ടീസ്പൂൺ
• ഉണക്കമുന്തിരി - 1/4 കപ്പ്

തയാറാക്കുന്ന വിധം

• മധുരക്കിഴങ്ങ് ആവശ്യത്തിന് വെള്ളമൊഴിച്ചു വേവിച്ച് ഉടച്ചെടുക്കുക.
• അതിൽ ബട്ടർ ചേർത്ത് യോജിപ്പിക്കുക.
• യീസ്റ്റും പഞ്ചസാരയും ചെറുചൂട് വെള്ളത്തിൽ കലക്കി വയ്ക്കുക. 
• ഗ്രൈൻഡറിൽ മുട്ടയും ബ്രൗൺഷുഗറും മധുരകിഴങ്ങുടച്ചതും യീസ്റ്റും ചേർത്തടിച്ച് ഒരു പാത്രത്തിൽ ഒഴിക്കുക.  
• ഇതിൽ ഉപ്പ് ചേർത്തിളക്കി മാവുചേർത്തു കുറച്ചു എണ്ണയും തൂത്തു  കുഴച്ചെടുക്കുക. 
• മാവു  പൊങ്ങാൻ വയ്ക്കുക. പൊങ്ങി കഴിഞ്ഞു പരത്തി സിനമൺ പൗഡറും മുന്തിങ്ങയും വിതറി മാവു ചുരുട്ടിയെടുത്തു ബേക്ക്  ചെയ്യുന്ന പാത്രത്തിൽ ഒരു മണിക്കൂർ പൊങ്ങാൻ വയ്ക്കുക.
• പൊങ്ങിയ മാവിൽ മുട്ടയും പാലും ചേർന്ന മിശ്രിതം ബ്രഷ് ചെയ്തു 350 F പ്രീഹീറ്റഡ് അവ്നിൽ  20 -25 മിനിറ്റ് ബേക്ക് ചെയ്തെടുക്കുക.