ADVERTISEMENT

ചായക്കടയിൽ കിട്ടുന്ന അതേ ടേസ്റ്റിൽ ഉള്ളിവട വീട്ടിൽ ഉണ്ടാക്കാം. ഈ കാര്യങ്ങൾ ശ്രദ്ധിച്ചാൽ മതി.

ചേരുവകൾ :

1. സവാള -1 1/2 എണ്ണം
2. പച്ചമുളക് -2 എണ്ണം
3. ചതച്ച ഇഞ്ചി -1 ചെറിയ കഷ്ണം
4. കറിവേപ്പില
5. കടലപ്പൊടി - 3 ടേബിൾ സ്പൂൺ
6. മൈദ - 2 ടേബിൾ സ്പൂൺ
7. അരിപ്പൊടി - 1 ടേബിൾസ്പൂൺ
8. കാശ്മീരി മുളകുപൊടി - 1 ടേബിൾസ്പൂൺ
9. കായം പൊടിച്ചത് - 1/4 ടീസ്പൂൺ
10. ചതച്ച പെരുംജീരകം - 1/4 ടീസ്പൂൺ
11. ബേക്കിങ് സോഡ - 2 നുള്ള്
12. ഉപ്പ് - ആവശ്യത്തിന്
13. എണ്ണ - വറുക്കാൻ ആവശ്യത്തിന്

തയാറാക്കുന്ന വിധം 

ഒരു പാത്രത്തിൽ സവാള നീളത്തിൽ കനം കുറഞ്ഞ് അരിഞ്ഞത്, പച്ചമുളക് ചെറുതാക്കി അരിഞ്ഞത്, ഇഞ്ചി ചതച്ചത്, കറിവേപ്പില അരിഞ്ഞത്, ഉപ്പ് എന്നിവ ഇട്ട് കൈ കൊണ്ട് നന്നായി തിരുമ്മുക. സവാളയിലെ വെള്ളം ഊർന്നു വരുന്നതു വരെ യോജിപ്പിക്കണം. അതിലേക്കു 5 മുതൽ 11 വരെ ഉള്ള പൊടികൾ ചേർത്ത് വെള്ളം ചേർക്കാതെ നന്നായി യോജിപ്പിക്കണം. എണ്ണ ചൂടായി കഴിഞ്ഞാൽ കൈയിൽ കുറച്ചു എണ്ണ പുരട്ടി മാവിൽ നിന്ന് കുറച്ച് എടുത്തു കൈയിൽ വച്ചു വട്ടത്തിൽ  പരത്തുക. എന്നിട്ട് ചൂടായ എണ്ണയിലേക്ക് ഇട്ട് ബ്രൗൺ നിറത്തിൽ ചെറിയ തീയിൽ  വറത്തു കോരുക. കോരിയെടുക്കുന്ന സമയത്തു മാത്രം ഉയർന്ന തീയിൽ വച്ചു എടുക്കുക. ഇങ്ങനെ വറുത്താൽ എണ്ണ കുടിക്കാതിരിക്കും.

ശ്രദ്ധിക്കാൻ

  • സവാള കനം കുറച്ച് അരിഞ്ഞ് എടുക്കണം.
  • സവാളയിലെ നീരുകൊണ്ടു തന്നെ മാവ് തയാറാക്കാൻ ശ്രദ്ധിക്കണം.
  • എണ്ണയിൽ വറുത്തെടുക്കുമ്പോൾ മീഡിയം തീയിൽ വറുക്കാൻ ശ്രദ്ധിക്കണം.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com