കപ്പപ്പൊടി ചേർത്ത ബബിള്‍ മില്‍ക്ക് ടീ

Bubble Tea
Photo Credit : / Remya
SHARE

തായ്‌വാനില്‍ ഏറ്റവും പ്രചാരമുള്ളതാണ് കപ്പപ്പൊടി കൊണ്ട് ഉണ്ടാക്കുന്ന ബബിള്‍ മില്‍ക്ക് ടീ. ഇതിനായി ആദ്യം കപ്പപ്പൊടി കൊണ്ടു ചെറിയ ബബിളുകള്‍ ഉണ്ടാക്കണം. അതിനായി 60 ഗ്രാം കപ്പപ്പൊടി ഒരു ബൗളിലേക്ക് എടുക്കുക. അതില്‍ 5 ഗ്രാം കൊക്കോ പൗഡര്‍ ചേര്‍ത്തു മാറ്റിവയ്ക്കുക. പിന്നീട് ഒരു പാനില്‍ 30 ഗ്രാം ബ്രൗണ്‍ ഷുഗര്‍, അഞ്ച് ഗ്രാം കപ്പപ്പൊടിയും ചേര്‍ത്ത് മിക്‌സ് ചെയ്ത് ഒരു കപ്പ് വെള്ളവും ചേര്‍ത്ത് നന്നായി ഇളക്കുക. ഇത് അടുപ്പില്‍ വച്ച് ചെറുതീയില്‍ കുറുക്കിയെടുക്കുക. ഈ മിശ്രിതത്തിലേക്ക് ആദ്യം എടുത്തുവച്ചിരിക്കുന്ന കപ്പപ്പൊടിയും കൊക്കോ പൗഡറും ചേര്‍ത്ത് നന്നായി ഇളക്കുക. പിന്നീട് ഒരു പ്ലേറ്റില്‍ ഇട്ട് നന്നായി കുഴച്ച് ഉരുട്ടിയെടുക്കണം. ഇതു നാലായി ഭാഗിച്ച് ഓരോ ഭാഗവും നീളത്തില്‍ ഉരുട്ടിഎടുക്കുക. ഇതില്‍നിന്ന് ചെറിയ ബബിളുകള്‍ മുറിച്ചുമാറ്റി ഉരുട്ടി എടുക്കണം. 

ഒരു പാനില്‍ വെള്ളം തിളപ്പിച്ച് അതിലേക്ക് ഈ ബബിള്‍സ് ഇട്ടു കൊടുക്കണം. 20 മിനിറ്റ് തിളപ്പിച്ച ശേഷം അരമണിക്കൂര്‍ അടച്ചു വയ്ക്കണം. പിന്നീട് ഒരു അരിപ്പയിലേക്ക് അരിച്ചെടുക്കുക. ഈ ബബിള്‍സ് ഒരു പാനില്‍ ഇട്ട് കാല്‍ കപ്പ് വെള്ളവും 20 ഗ്രാം ബ്രൗണ്‍ഷുഗറും ചേര്‍ത്ത് അടുപ്പില്‍ വച്ച് നന്നായി തിളപ്പിച്ചെടുക്കണം. ഈ ബബിള്‍സ് എത്ര നാള്‍ വേണമെങ്കിലും കേട്കൂടാതെ സൂക്ഷിക്കാം. 

ബബിള്‍ ടീ ഉണ്ടാക്കാന്‍ ഒരു ഗ്ലാസില്‍ അരഭാഗത്തോളം കട്ടന്‍ചായ എടുത്ത് അതിലേക്ക് ഒരു ടേബിള്‍ സ്പൂണ്‍ ബ്രൗണ്‍ ഷുഗറും പാൽപ്പൊടിയും ചേര്‍ത്ത് ചായ ഉണ്ടാക്കുക. മറ്റൊരു ഗ്ലാസിലേക്ക് ബബിസ് ഇട്ട് അതില്‍ ഐസ് ക്യൂബസ് ഇടുക. അതിനു മുകളിലേക്ക് ഉണ്ടാക്കിവച്ചിരിക്കുന്ന ചായ ഒഴിച്ചു കൊടുക്കുക. രുചികരമായ ബബിള്‍ മില്‍ക്ക് ടീ റെഡി.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA