ഈസ്റ്റര്‍ ഗംഭീരമാക്കാന്‍ ബീഫ് ചില്ലിയും ചിക്കന്‍ ഫ്രൈഡ് റൈസും

എരിവും സോസുകളുടെ രുചിയുമെല്ലാം ചേര്‍ന്ന് നാവില്‍ ഒരു രുചി മേളം തീര്‍ക്കുന്ന  ബീഫ്  ചില്ലി , ഫ്രൈഡ് റൈസിനൊപ്പം കിടു കോമ്പിനേഷന്‍ ആണ്‌. ചിക്കന്‍ ഫ്രൈഡ് റൈസ് ചില കാര്യങ്ങള്‍ ശ്രദ്ധിച്ചാല്‍ നമുക്ക് വളരെ ഈസിയായിട്ട് റസ്റ്റൊറന്റിലെ അതേ ടേസ്റ്റില്‍ വീട്ടിലും തയാറാക്കാം.

ബീഫ് ചില്ലി  
ചേരുവകൾ :
• ബീഫ് - 1/2 കിലോ
•  മഞ്ഞൾപ്പൊടി - 1/4 ടീസ്പൂണ്‍
•  മല്ലിപ്പൊടി - 1/2 ടീസ്പൂണ്‍
•  ഇഞ്ചി വെളുത്തുള്ളി പേസ്റ്റ്‌ -1 ടേബിള്‍ സ്പൂണ്‍
• കാശ്മീരി മുളകുപൊടി -2 ടീസ്പൂണ്‍
• ഗരം മസാല പൊടി - 1/2 ടീസ്പൂണ്‍
•  കോണ്‍ഫ്ലവര്‍ - 2 ടേബിള്‍ സ്പൂണ്‍  
•  ചെറു നാരങ്ങാനീര് - 1 ടേബിള്‍ സ്പൂണ്‍
•  ഉപ്പ് - ആവശ്യത്തിന്
•  ടൊമാറ്റോ സോസ് - 3 ടേബിള്‍ സ്പൂണ്‍  
•  സോയ സോസ് -  1 ടീസ്പൂണ്‍
•  ചില്ലി സോസ് -  1 ടീസ്പൂണ്‍
•  ചതച്ച മുളക് -  1 ടീസ്പൂണ്‍
•  സവാള - പകുതി
• പച്ചമുളക് - 4-5 എണ്ണം
• കറിവേപ്പില - കുറച്ച്

തയാറാക്കുന്ന വിധം :
•  ബീഫ് വലിയ കഷണങ്ങളായി മുറിച്ച് നന്നായി കഴുകി എടുക്കുക. വെള്ളം വാര്‍ന്നതിനു ശേഷം ഉപ്പും മഞ്ഞൾപ്പൊടിയും മല്ലിപ്പൊടിയും ചേര്‍ത്ത് പ്രഷര്‍ കുക്കറില്‍ ഒരു വിസില്‍ വരെ വേവിക്കുക.
•  തണുത്തതിനു ശേഷം നീളത്തില്‍ കനം കുറച്ച് മുറിച്ചെടുക്കുക.
•  ഇഞ്ചി വെളുത്തുള്ളി പേസ്റ്റും കാശ്മീരി മുളകു പൊടിയും ഗരം മസാല പൊടിയും  കോണ്‍ഫ്ലവറും  ചെറു നാരങ്ങാനീരും ആവശ്യമുണ്ടെങ്കില്‍  ഉപ്പും ചേര്‍ത്ത്  മുറിച്ചെടുത്ത ബീഫില്‍ പുരട്ടി 1/2 മണിക്കൂര്‍ എങ്കിലും മാറ്റി വയ്ക്കുക.
•  അതിനുശേഷം എണ്ണയില്‍ ഡീപ്‌ഫ്രൈ ചെയ്തെടുക്കുക. 
•  ടൊമാറ്റോ സോസ്, സോയ സോസ്, ചില്ലി സോസ്, ചതച്ച മുളക് ഇതെല്ലാം കൂടി യോജിപ്പിച്ച് മാറ്റി വയ്ക്കുക.
•  ഒരു പാന്‍ സ്റ്റൗവില്‍ വച്ച് ചൂടാകുമ്പോള്‍ 2 ടേബിള്‍ സ്പൂണ്‍  ബീഫ് ഫ്രൈ ചെയ്ത എണ്ണ, ഒഴിച്ച് സവാളയും പച്ചമുളകും കറിവേപ്പിലയും ഒരു മിനിറ്റ് വഴറ്റി, സോസ് മിശ്രിതം ചേര്‍ത്ത് 1/2 മിനിറ്റ് കൂടി വഴറ്റുക. ശേഷം ഫ്രൈ ചെയ്ത ബീഫും ഒരു ടേബിള്‍ സ്പൂണ്‍ ബീഫ് വേവിച്ചതിലെ  വെള്ളവും ചേര്‍ത്ത് നന്നായി യോജിപ്പിച്ച് ഗ്യാസ് ഓഫ് ചെയ്യാം.

ചിക്കന്‍ ഫ്രൈഡ് റൈസ്
.
ചേരുവകള്‍
•   ബസ്മതി റൈസ് -2 കപ്പ്
•   സണ്‍ഫ്ലവര്‍ ഓയില്‍ - 6 ടേബിള്‍ സ്പൂണ്‍
•   സോയാസോസ് - 1/2 ടേബിള്‍ സ്പൂണ്‍
•   മുട്ട - 2 എണ്ണം
•  ചിക്കന്‍ -1/2 കപ്പ് (ഉപ്പും കുരുമുളകും ഇട്ട് വേവിച്ച് പിച്ചിയെടുത്തത്)
•   കാരറ്റ് - 1/2 കപ്പ്
•  ബീന്‍സ് - 1/4 കപ്പ്
•  സ്പ്രിങ് ഒണിയന്‍ - 1/4 കപ്പ്
•  സവാള - 1/4 കപ്പ്
•  വെളുത്തുള്ളി -2 ചെറുത്  (കാരറ്റും ബീന്‍സും സ്പ്രിങ് ഒണിയനും സവാളയും വെളുത്തുള്ളിയും വളരെ ചെറുതായി അരിയുക)
•  കുരുമുളകുപൊടി - 1 ടീസ്പൂണ്‍
•   ഉപ്പ് – പാകത്തിന്

തയാറാക്കുന്ന വിധം
•  അരി, ഉപ്പും ഒരു ടേബിള്‍ സ്പൂണ്‍ സണ്‍ഫ്ലവര്‍ ഓയിലും ഒഴിച്ച് 90%‌ വേവിച്ച് ഒരു ടേബിള്‍ സ്പൂണ്‍ സണ്‍ഫ്ലവര്‍ ഓയില്‍ ഒഴിച്ച് ഇളക്കി തണുക്കാന്‍ വയ്ക്കുക. ചൂടുള്ള ചോറ് കൊണ്ട് ഒരിക്കലും ഫ്രൈഡ് റൈസ് ഉണ്ടാക്കരുത്. ചോറ്പൊട്ടിപോകും.
•  മുട്ട പൊട്ടിച്ചൊഴിച്ച് ഒരു നുള്ള് ഉപ്പും കുരുമുളകുപൊടിയും ചേര്‍ത്ത് നന്നായി ഇളക്കി ചൂടായ പാനില്‍ ഒരു സ്പൂണ്‍ സണ്‍ഫ്ലവര്‍ ഓയില്‍ ഒഴിച്ച് ചിക്കിപ്പൊരിച്ചെടുത്ത് മാറ്റി വയ്ക്കുക.
•  അതേ പാനില്‍ 2 ടേബിള്‍ സ്പൂണ്‍ സണ്‍ഫ്ലവര്‍ ഓയില്‍ ഒഴിച്ച് വെളുത്തുള്ളി, ഒണിയന്‍ ,കാരറ്റ്, ബീൻസ്, സ്പ്രിങ് ഒണിയന്‍ ഇതെല്ലാം ഓരോന്നോരോന്നായി ചേര്‍ത്ത് തീ കൂട്ടി 2 മിനിറ്റ് വഴറ്റി എടുക്കുക. ശേഷം ചിക്കനും ചേര്‍ത്ത് വഴറ്റുക. ഉപ്പും 1/4 റ്റീസ്പൂണ്‍ കുരുമുളകു പൊടിയും ചേര്‍ക്കുക.
•  അതിനുശേഷം ചിക്കിപ്പൊരിച്ച മുട്ടയും വേവിച്ച് വച്ച ചോറും ചേര്‍ത്ത് നന്നായി ഇളക്കുക. അവസാനം സോയസോസും 1/4 ടീസ്പൂണ്‍ കുരുമുളകു പൊടിയും ചേര്‍ത്ത് ഇളക്കി തീ ഓഫ് ചെയ്ത്  10 മിനിറ്റ്  മൂടി വയ്ക്കുക.

അപ്പോള്‍ അടിപൊളി ടേസ്റ്റുള്ള ബീഫ് ചില്ലിയും ഫ്രൈഡ് റൈസും റെഡി!

English Summary : Easter Special Chicken Fried Rice and Beef chilli.