ദാഹവും ക്ഷീണവും അകറ്റാൻ 5 വ്യത്യസ്ത ലസ്സി രുചികൾ

വേനലിൽ കുളിർമ നൽകാനും വിശപ്പും ദാഹവും ക്ഷീണവും അകറ്റാൻ വ്യത്യസ്തമായ അഞ്ച് രുചികളിൽ ലസ്സി തയാറാക്കാം.

ചേരുവകൾ

• തൈര് - ഒരു ലിറ്റർ (പുളി ഇല്ലാത്ത കട്ട തൈര് )
• പഞ്ചസാര – ആവശ്യത്തിന്
• കൈതചക്ക - ഒരു കഷ്ണം
• മാങ്ങ - രണ്ട് എണ്ണം
• ഷമാം - ഒരു കഷ്ണം 
• പൊതിന ഇല , ഇഞ്ചി ചെറിയ കഷ്ണം ചെറു നാരങ്ങ ചെറിയ കഷ്ണം
• കസ്കസ് - രണ്ട് സ്പൂൺ
• ബദാം, അണ്ടിപ്പരിപ്പ് - ആവശ്യത്തിന് 
• ഐസ് ക്യൂബ്സ് - ആവശ്യത്തിന്

തയാറാക്കുന്ന വിധം

• തൈരിൽ പഞ്ചസാര ചേർത്ത് മിക്സിയിൽ അടിച്ച് എടുക്കുക. സാധാരണ ലെസ്സി തയാറാക്കാൻ ഇതിൽ ഐസ് കഷ്ണങ്ങൾ ചേർത്ത് ഉപയോഗിക്കാം. മാങ്ങ, കൈതച്ചക്ക, ഷമാം ഓരോന്നും വെള്ളം ചേർക്കാതെ നന്നായി മിക്സിയിൽ അടിച്ച് എടുത്ത് മാറ്റി വയ്ക്കുക. 
• പുതിനയില, ഇഞ്ചി, ചെറുനാരങ്ങ നീരും ചോർത്ത് അടിച്ച് എടുക്കുക. 
• ഓരോ പഴച്ചാറും ആവശ്യത്തിന് തൈരും ചേർത്ത് അടിച്ച് എടുക്കുക. അടിപൊളി ലസ്സി തയാർ. അണ്ടിപരിപ്പും ബദാമും കസ്കസും (ആവശ്യമെങ്കിൽ ) ഐസും ചേർത്ത് കുടിക്കാം.

English Summary : Lassi is a popular traditional dahi-based drink or regional name for buttermilk.