ഈ ഒരു ചമ്മന്തി മാത്രം മതി ചോറിന്റെ കൂടെ കഴിക്കാൻ

തേങ്ങ അരയ്ക്കാതെ തയാറാക്കാം സ്‌പെഷൽ ചമ്മന്തി. ഈ ചമ്മന്തി മാത്രം മതി വയറു നിറയെ ചോറുണ്ണാൻ.

ചേരുവകൾ

• തേങ്ങ – 1 പകുതി
• ചെറിയ ഉള്ളി –  20
• സവാള – 1
• മുളകുപൊടി – 1 ടേബിൾ സ്പൂൺ
• മുളക് ചതച്ചത് – 1 ടീസ്പൂൺ
• പച്ചമുളക് – 3
• കറിവേപ്പില
• പുളി – 1നാരങ്ങാ വലുപ്പത്തിൽ
• കടുക്‌ – 1 ടീ സ്പൂൺ
• ഉപ്പ് – ആവശ്യത്തിന്
• വെളിച്ചെണ്ണ

തയാറാക്കുന്ന വിധം

• ഒരു ഫ്രൈയിങ് പാൻ വച്ച് എണ്ണ ഒഴിച്ച് അതിലേക്ക് കടുക്‌, കറിവേപ്പില ഇടുക. കടുക് പൊട്ടിയതിനു ശേഷം ഉള്ളി, പച്ചമുളക്, ഇഞ്ചി എന്നിവ ഇട്ട് വഴറ്റുക. 
• അതിനു ശേഷം മുളകുപൊടി, മുളകുചതച്ചത് എന്നിവ ഇടുക. മൂത്തതിനു ശേഷം പുളി വെള്ളം ഒഴിക്കുക. തേങ്ങ ചിരകിയത് ഇട്ടതിനു ശേഷം നന്നായി മൂപ്പിച്ചെടുക്കുക. 
• അവസാനം കറിവേപ്പില ഇട്ട് വാങ്ങുക. ഇത് കുറച്ചു നാൾ കേടാകാതെ  ഇരിക്കും.

English Summary : Special Chutney