ADVERTISEMENT

ഒരു കപ്പ് പച്ചരിയും കുറച്ച് പച്ചക്കറികളും വച്ചു ഹെൽത്തി ബ്രേക്ഫാസ്റ്റ് വിഭവം തയാറാക്കാം.

 

ചേരുവകൾ

1. പച്ചരി -1 കപ്പ്‌
2. ഉരുളക്കിഴങ്ങ് വേവിച്ചു ഉടച്ചത് - 2 എണ്ണം
3. കാരറ്റ് ചീകിയത് -1/4 കപ്പ്‌
4. കാപ്സിക്കം - 1/4 കപ്പ്‌
5. തക്കാളി -1/4 കപ്പ്‌
6. സവാള അരിഞ്ഞത് - 1/4 കപ്പ്‌
7. ഗ്രീൻ പീസ് -1/4 കപ്പ്‌
8. മല്ലിയില അരിഞ്ഞത്
9. കറിവേപ്പില അരിഞ്ഞത്
10. ഇഞ്ചി പച്ചമുളക് ചതച്ചത് - 3 പച്ചമുളക്,2 ഇഞ്ചി കഷ്ണം
11. പുളി അധികം ഇല്ലാത്ത തൈര് - 2 1/2 ടേബിൾ സ്പൂൺ
12. ബേക്കിങ് സോഡ - ഒരു നുള്ള് (നിർബന്ധമില്ല )
13. ഉപ്പ്
14. എണ്ണ

തയാറാക്കുന്ന വിധം :

പച്ചരി നന്നായി കഴുകി കുറച്ചു വെള്ളത്തിൽ മൂന്നു മണിക്കൂർ കുതിർത്തി വയ്ക്കുക. അതിനുശേഷം മിക്സിയുടെ ജാറിൽ ഇട്ട് വേവിച്ച് ഉടച്ച ഉരുളക്കിഴങ്ങും ഇട്ട് കുറച്ചു കുറച്ചു വെള്ളം ഒഴിച്ച് ദോശ മാവ് പരുവത്തിൽ അരച്ചെടുക്കുക.

അത് ഒരു പാത്രത്തിലേക്ക് മാറ്റി 3 മുതൽ 11വരെ ഉള്ള ചേരുവകളും ആവശ്യത്തിന് ഉപ്പും ചേർത്ത് നന്നായി ഇളക്കുക. അതിലേക്ക് ബേക്കിങ് സോഡ ഇട്ട് ഇളക്കുക. ഒരു ചെറിയ പാൻ ചൂടാക്കി ഒരു 2 ടേബിൾ സ്പൂൺ എണ്ണ ഒഴിച്ച്, എണ്ണ നന്നായി ചൂടായാൽ മിക്സ്‌ ചെയ്തു വച്ച മാവ്  1 1/2 തൊട്ടു 2 തവി വരെ ഒഴിച്ച് ഒന്ന് വട്ടത്തിൽ ചുറ്റിച്ച് അടച്ചു വച്ചു താഴ്ന്ന തീയിൽ വേവിക്കുക. 

ഒരു വശം നന്നായി മൊരിഞ്ഞു വന്നാൽ തിരിച്ചിട് മറുഭാഗം കൂടി മൊരിയുന്നത് വരെ വേവിക്കുക. ചൂടോടുകൂടി മല്ലിയില ചട്ണി കൂട്ടി കഴിക്കാം.

English Summary : Soft and fluffy raw rice breakfast.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com