മീൻകറിയും മുളക് ചമ്മന്തിയും ചേർത്ത് കഴിക്കാൻ സൂപ്പർ രുചിയിൽ കപ്പ

രുചികരമായ കപ്പ താളിച്ചത്. ചായയുടെ കൂടെ സ്നാക്ക് ആയി  കഴിക്കാനും മീൻകറിയും മുളക് ചമ്മന്തിയും ചേർത്ത് കഴിക്കാനും വളരെ നല്ലതാണ്.

ചേരുവകൾ

• കപ്പ - മുക്കാൽ കിലോ
• തേങ്ങ ചിരകിയത് - ഒരു മുറി
• വെളിച്ചെണ്ണ - 2 ടേബിൾസ്പൂൺ
• കടുക് - ഒരു ടീസ്പൂൺ
• ചെറിയ ഉള്ളി - പത്തെണ്ണം
• കറിവേപ്പില - ആവശ്യത്തിന്
• ഉണക്ക മുളക് - 2
• ഉപ്പ് -ആവശ്യത്തിന്

തയാറാക്കുന്ന വിധം

• കപ്പതൊലികളഞ്ഞ് കഴുകി വൃത്തിയാക്കി ഒരിഞ്ചു വലിപ്പത്തിലുള്ള കഷണങ്ങളാക്കി അരിയുക.
• വെള്ളം തിളയ്ക്കുമ്പോൾ കപ്പ് ഇട്ട് മുക്കാൽ വേവാകുമ്പോൾ വെള്ളം ഊറ്റി കളയുക. വീണ്ടും വെള്ളം തിളപ്പിച്ച് കപ്പയും ആവശ്യത്തിന് ഉപ്പും ചേർത്ത് നന്നായി വേവിക്കുക. കഷ്ണങ്ങൾ വെന്ത് ഉടഞ്ഞു പോകരുത്.
• വെള്ളം ഊറ്റി കളഞ്ഞ ശേഷം തേങ്ങാപ്പീരയും ആവശ്യത്തിന് ഉപ്പും ചേർത്ത് അടച്ചുവയ്ക്കുക.
• ചുവട് കട്ടിയുള്ള ഒരു പാത്രത്തിൽ 2 ടേബിൾ സ്പൂൺ വെളിച്ചെണ്ണ ചൂടാക്കി കടുക് പൊട്ടിച്ച് ചെറുതായി അരിഞ്ഞ  ചുവന്നുള്ളി, ഉണക്കമുളക്, കറിവേപ്പില ഇവ മൂപ്പിക്കുക.
• ഉള്ളി മൂത്ത് ബ്രൗൺ നിറം ആകുമ്പോൾ തീ ഓഫ് ചെയ്ത ശേഷം കപ്പ ചേർത്ത് യോജിപ്പിച്ച് എടുക്കുക.

English Summary : Tapioca Stir fry.