പച്ചക്കുരുമുളകും പച്ചമുളകും അരച്ചു ചേർത്ത ചിക്കൻ, പാത്രം കാലിയാകുന്നതറിയില്ല
Mail This Article
പെട്ടെന്ന് തയാറാക്കാൻ പറ്റിയ സ്വാദിഷ്ടമായ ഒരു വിഭവം പച്ചക്കുരുമുളകും പച്ചമുളകും അരച്ചു ചേർത്ത ചിക്കൻ. അയൺ, വിറ്റമിൻ കെ , ആന്റിഓക്സിഡന്റസും ധാരാളം അടങ്ങിയ പച്ചകുരുമുളക് ശരീരത്തിലെ കൊഴുപ്പിനെയും ക്രമീകരിക്കുന്നു. ദഹനത്തെ സഹായിക്കാനും ഇത് ഉത്തമം.
ചേരുവകൾ
1. വെളുത്തുള്ളി - 10 എണ്ണം
2. കറിവേപ്പില - ഒരു തണ്ട്
3. ഇഞ്ചി - രണ്ട് ചെറിയ കഷ്ണം
4. ചെറിയ ഉള്ളി - 3 എണ്ണം
5. പച്ചമുളക് - 5 എണ്ണം
6. പച്ച കുരുമുളക് - 2 ടേബിൾസ്പൂൺ
7. മല്ലിയില - ഒരു പിടി
8. ഉപ്പ് - ആവശ്യത്തിന്
9. ചിക്കൻ - 1 കിലോ
10. കറിവേപ്പില - ഒരു തണ്ട്
11. പച്ചമുളക് - 4 എണ്ണം
12. വെളിച്ചെണ്ണ - 1/4 കപ്പ്
13. കോൺഫ്ലവർ - 2 ടേബിൾസ്പൂൺ
14. നാരങ്ങാ നീര് - 2 ടേബിൾസ്പൂൺ
തയാറാക്കുന്ന വിധം
ഒന്ന് മുതൽ എട്ട് വരെയുള്ള ചേരുവകൾ നല്ല മയത്തിൽ അരച്ച്, 2 ടേബിൾസ്പൂൺ നാരങ്ങാ നീരും കോൺഫ്ലവറും കൂടി ചേർത്ത് ചിക്കനിൽ പുരട്ടി ഒരു മണിക്കൂർ വയ്ക്കുക. ശേഷം വെളിച്ചെണ്ണ ഒഴിച്ച് ചെറിയ തീയിൽ വറുത്തെടുക്കുക. മൂത്ത് വരുമ്പോൾ പച്ചമുളകും കറിവേപ്പിലയും കൂടി ചേർത്ത് ഒന്നൂടെ മൊരിയിച്ചെടുക്കുക. പച്ചകുരുമുളക് ചിക്കൻ റെഡി.
English Summary : Green Pepper Chicken Fry.