ADVERTISEMENT

എല്ലാവർക്കും ഓർമ്മയില്ലേ മഞ്ഞപ്പൊടി ഉപ്പുമാവ് (ചോളപ്പൊടി). ഒരു തവണ എങ്കിലും സ്കൂളിൽ നിന്നോ അംഗൻവാടിയിൽ നിന്നോ കഴിച്ചവർക്ക് അതിന്റെ രുചി ഇപ്പോഴും മറക്കാൻ ആവില്ല. രുചിക്കൂട്ട് ഇതാ.

ചേരുവകൾ

  • മഞ്ഞ ചോളപ്പൊടി - 1 ഗ്ലാസ്
  • സവാള  - 1
  • വെജിറ്റബിൾ ഓയിൽ - 6-7 സ്പൂൺ 
  • ഉപ്പ് - ആവശ്യത്തിന് 
  • പച്ചമുളക് - 2-3 എരിവ് അനുസരിച്ചു എടുക്കുക 
  • ചുവന്ന മുളക് -2-3
  • കടുക്  - 1 സ്പൂൺ 
  • കറിവേപ്പില

തയാറാക്കുന്ന വിധം

  • സവാള, പച്ചമുളക് എന്നിവ ചെറുതായി മുറിക്കുക.
  • ഫ്രയിങ് പാനിൽ എണ്ണ ചൂടാക്കുക. 
  • കടുക് പൊട്ടിച്ച്, മുളക്, കറിവേപ്പില എന്നിവ ചേർത്ത് സവാള മുറിച്ചു ചേർത്തു വഴറ്റുക. 
  • ഉപ്പ് ആവശ്യത്തിന് ചേർക്കുക.
  • ശേഷം അരക്കപ്പ് വെള്ളം ചേർത്ത് തിളച്ചു തുടങ്ങുമ്പോൾ ചോളപ്പൊടി കുറേശ്ശേ  ചേർത്ത് ഇളക്കി ചെറുതീയിൽ അടച്ചുവച്ച് വേവിക്കുക. ഇടയ്ക്ക് തുറന്ന് ഇളക്കുക.

ശ്രദ്ധിക്കാൻ :

  • വെള്ളത്തിന്റെ അളവ് കൂടിപ്പോയാൽ ശരിയാവില്ല, ഒട്ടിപിടിക്കും.
  • വെളിച്ചെണ്ണ ചേർത്താൽ അത്ര രുചി കിട്ടില്ല.
  • കൂടുതൽ വെജിറ്റബിൾ ഓയിൽ ആയിരിക്കും നല്ലത്.
  • ഓയിൽ കുറച്ച് കൂടുതൽ ഉണ്ടെങ്കിൽ നല്ല രുചിയുണ്ടാവുള്ളു. നന്നായി വേവിക്കണം. കറിയിൽ ഉപയോഗിക്കുന്ന വെള്ള ചോളപ്പൊടി  അല്ല മഞ്ഞ ചോളപ്പൊടി ആണ് ഉപയോഗിക്കേണ്ടത്.

English Summary : Corn Flour Uppumavu Malayalam Recipe.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com