മാമ്പഴവും ഒരു കപ്പ് റവയും കൊണ്ട് കൊതിപ്പിക്കും കേക്ക്

പഴുത്ത മാങ്ങയും ഒരു കപ്പ്‌ റവയും കൊണ്ട് അവ്ൻ, ബീറ്റർ, മുട്ട എന്നിവ ഇല്ലാതെ ഒരു സ്പോഞ്ച് കേക്ക്.

ചേരുവകൾ 

• പഴുത്ത മാങ്ങ - 1 എണ്ണം
• റവ - 1 കപ്പ്‌
• പഞ്ചസാര - 3/4 കപ്പ്‌
• പാൽ - 3/4 കപ്പ്‌
• റിഫൈൻഡ് ഓയിൽ - 1/4 കപ്പ്‌
• ബേക്കിങ് പൗഡർ - 1 ടീസ്പൂൺ
• ബേക്കിങ് സോഡ - 1/4 ടീസ്പൂൺ
• ടൂട്ടി ഫ്രൂട്ടി - 2 ടേബിൾ സ്പൂൺ
• മൈദ - 1 ടീസ്പൂൺ 
• അണ്ടിപരിപ്പ്, പിസ്ത - ചെറുതായി നുറുക്കിയത്

തയാറാക്കുന്ന വിധം

• ഒരു മിക്സിയുടെ ജാറിൽ മാമ്പഴം, റവ, പഞ്ചസാര, പാൽ, എണ്ണ എന്നിവ ചേർത്ത് നന്നായി അടിച്ചെടുക്കുക. 
• നന്നായി ഇളക്കി 15 മിനിറ്റ് അടച്ച് വയ്ക്കുക. 
• അതിലേക്ക് ബേക്കിങ് പൗഡർ, ബേക്കിങ് സോഡ, 3 ടേബിൾ സ്പൂൺ പാൽ എന്നിവ ചേർത്ത് നന്നായി ഇളക്കി യോജിപ്പിക്കുക. 
• ഇതിലേക്ക് ട്യൂട്ടി ഫ്രൂട്ടിയിൽ ഒരു ടീസ്പൂൺ മൈദ ഇട്ട് ഇളക്കി ഇടുക. 
• നന്നായി ഇളക്കി യോജിപ്പിക്കുക. 
• കേക്ക് ഉണ്ടാക്കുന്ന പാത്രത്തിൽ  എണ്ണ തടവുക, അതിലേക്ക് ബേക്കിങ് പേപ്പർ മുറിച്ചത് വച്ച് കുറച്ചു എണ്ണ തടവുക. 
• കേക്ക് മിക്സ്‌ അതിലേക്ക് ഒഴിച്ച് മുകളിൽ അണ്ടിപ്പരിപ്പ്, പിസ്ത എന്നിവ വിതറുക. 
• ഒരു വലിയ പാത്രത്തിൽ സ്റ്റീൽ സ്റ്റാൻഡ് വച്ച് അടച്ചു 5 – 7 മിനിറ്റ് അടച്ച് വച്ചു മീഡിയം തീയിൽ ചൂടാക്കുക.  
• കേക്ക് ബാറ്റർ ഒഴിച്ച പാത്രം ഇറക്കി അടച്ച് വച്ചു 40 – 45 മിനിറ്റ് അടച്ചു വച്ചു മീഡിയം തീയിൽ വേവിച്ചെടുക്കാം.

English Summary : Mango Semolina Cake Malayalam Recipe.