മധുരം നുകരാൻ മാമ്പഴം കൊണ്ടൊരു കിണ്ണത്തപ്പം

മാമ്പഴം കൊണ്ട് നാടൻ കിണ്ണത്തപ്പം തയാറക്കുന്നത് എങ്ങനെയെന്നു നോക്കാം.

ചേരുവകൾ 

• നല്ല പഴുത്ത മാങ്ങ - 1 
• തേങ്ങാപ്പാൽ - 1 കപ്പ് 
• അരിപ്പൊടി - 1/2  കപ്പ് 
• പഞ്ചസാര - 1/ 2 കപ്പ് 
• ബദാം, പിസ്ത്  -  2 ടേബിൾസ്പൂൺ 

തയാറാക്കുന്ന വിധം 

• മാങ്ങ തൊലികളഞ്ഞു ചെറുതാക്കി മുറിച്ചെടുക്കുക. 
• ഒരു മിക്സിയുടെ ജാറിലേക്കു മാങ്ങ കഷ്ണങ്ങൾ ഇട്ടു നന്നായി അടിച്ചെടുക്കുക. 
• അടിച്ചെടുത്ത മാങ്ങയിലേക്ക് തേങ്ങാപ്പാൽ, പഞ്ചസാര, അരിപ്പൊടി എന്നിവ ചേർത്ത് നന്നായി അടിച്ചെടുക്കുക. 
• ഒരു കിണ്ണത്തിൽ ബട്ടർ പേപ്പർ (വാഴയില ) വച്ച ശേഷം മാങ്ങാ മിക്സ് ഒഴിച്ച് കൊടുക്കുക.  
• ഒരു ഇഡ്ഡലി പാത്രത്തിൽ വെള്ളം തിളിപ്പിച്ച ശേഷം 15 മിനിറ്റ് ആവിയിൽ കിണ്ണത്തപ്പം വേവിച്ചെടുക്കുക. 
• കിണ്ണത്തപ്പം ചൂടാറിയ ശേഷം ഇഷ്ടമുള്ള രീതിയിൽ മുറിച്ചെടുക്കാം.

English Summary : Steam plate cake is a popular traditional sweet cake.