ഗോതമ്പ് നുറുക്ക് കാരമൽ പാൽ പായസം, ഒരിക്കൽ കഴിച്ചാൽ മറക്കില്ല ഈ രുചി

കൊതിപ്പിക്കുന്ന രുചിയിൽ ഗോതമ്പ് നുറുക്കു കൊണ്ടു പാൽ പായസം തയാറാക്കുന്നത് എങ്ങനെയെന്ന് നോക്കാം.

ചേരുവകൾ

• ഗോതമ്പു നുറുക്ക് - 1/2 കപ്പ്‌
• പഞ്ചസാര - 5  ടേബിൾസ്പൂൺ
• പാൽ - 1 ലിറ്റർ 
• ഏലക്ക - 1
• നെയ്യ് - 1 ടേബിൾസ്പൂൺ

തയാറാക്കുന്ന വിധം വിഡിയോ കാണാം

ഒരു പ്രഷർ കുക്കർ എടുത്തു ചൂടാകുമ്പോൾ, അതിലേക്കു 3 ടേബിൾസ്പൂൺ പഞ്ചസാര ചേർത്ത് കാരമൽ ചെയ്യുക. അതിലേക്ക് പാൽ ചേർത്ത് ഇളക്കുക, കാരമൽ പഞ്ചസാര അലിയുന്നത് വരെ ഇളക്കണം. 2 ടേബിൾസ്പൂൺ പഞ്ചസാര കൂടി ചേർത്ത് ഇളക്കുക. ഇതിലേക്ക് ഏലക്ക ചതച്ചിടുക. കഴുകി വൃത്തിയാക്കിയ ഗോതമ്പു നുറുക്ക് ചേർക്കാം. അതിനുശേഷം പ്രഷർ കുക്കർ അടച്ച് 30 മിനിറ്റ് ഏറ്റവും കുറഞ്ഞ തീയിൽ വേവിക്കുക, കുക്കറിന്റെ പ്രഷർ പോയതിനു  ശേഷം നെയ്യും കൂടി ചേർത്താൽ പായസം റെഡി.

പായസത്തിന്റെ കട്ടി കുറയ്ക്കാൻ തിളപ്പിച്ച പാൽ ചേർക്കാം.

English Summary : Broken Wheat Caramel Pal Payasam.