പച്ചകായയും പരിപ്പും ചേർത്തൊരു പാലക്കാടൻ കറി

ഒരു നേന്ത്രക്കായ മതി ചൂട് ചോറിനൊപ്പം കഴിക്കാൻ ഉഗ്രൻ പാലക്കാടൻ കായ പുളി...

ചേരുവകൾ :

1.പച്ച കായ -1 എണ്ണം
2.നാളികേരം -2 ടീസ്പൂൺ
3.പരിപ്പ് വേവിച്ചത് -1 ചെറിയ കപ്പ്
4.പുളി -1 ചെറിയ നാരങ്ങ വലുപ്പത്തിൽ (വെള്ളത്തിൽ കുതിർത്തിയത് )
5. മഞ്ഞൾപ്പൊടി - 1/2 ടീസ്പൂൺ
6.സാമ്പാർ പൊടി -1 1/4 ടേബിൾ സ്പൂൾ
അല്ലെങ്കിൽ
(മുളക് പൊടി -1 ടീസ്പൂൺ
മല്ലി പൊടി -1 ടീസ്പൂൺ
ഉലുവാപ്പൊടി -1/4 ടീസ്പൂൺ താഴെ
കായം പൊടി -1/4 ടീസ്പൂൺ താഴെ )
7. വെളിച്ചെണ്ണ -1 ടേബിൾ സ്പൂൺ
8. കടുക് - 1/2 ടീസ്പൂൺ
9. ഉഴുന്ന് - 1/2 ടീസ്പൂൺ
10. കടല പരിപ്പ് - 1/2 ടീസ്പൂൺ
11. വറ്റൽ മുളക് - 1 എണ്ണം
12. കറിവേപ്പില
13. ഉപ്പ്

തയാറാക്കുന്ന വിധം

• കായ ചെറുതാക്കി നുറുക്കി മഞ്ഞൾപ്പൊടി, ആവശ്യത്തിന് വെള്ളം ഒഴിച്ച് വേവിക്കുക.
• മുക്കാൽ ഭാഗം വേവ് ആകുമ്പോൾ പുളി പിഴിഞ്ഞതും ആവശ്യത്തിന് ഉപ്പും ചേർത്ത് വേവിക്കുക.
• അതിലേക്കു സാമ്പാർ പൊടി അല്ലെങ്കിൽ (മുളക്, മല്ലി, ഉലുവ, കായം പൊടി )എന്നിവ ചേർത്ത് പച്ച ടേസ്റ്റ് പോകുന്നത് വരെ വേവിക്കുക.
• അതിലേക്കു വേവിച്ച പരിപ്പ് ഇട്ട് തിളപ്പിക്കുക. അതിനുശേഷം നാളികേരം ഇട്ടു ഒന്ന് കൂടി തിളപ്പിക്കുക.
• അതിലേക്ക് കറിവേപ്പില ഇട്ട് തീ അണയ്ക്കുക.
• ഒരു ഫ്രൈയിങ് പാനിൽ എണ്ണ ചൂടാക്കി കടുക്, ഉഴുന്ന്, കടല പരിപ്പ്, വറ്റൽ മുളക് എന്നിവ വറക്കുക. അതിലേക്കു കറിവേപ്പില, 1/4 ടീസ്പൂണിൽ  താഴെ കായം പൊടി ഇട്ട് ഇളക്കി കറിയിലേക്ക് ഇടുക.

English Summary : Raw Banana Puli Recipe.