മാങ്ങാ അച്ചാർ, ഒട്ടും വിനാഗിരി ചേർക്കാതെ തയാറാക്കാം
Mail This Article
വിനാഗിരി ചേർക്കാതെ കാലങ്ങളോളം കേടു കൂടാതിരിക്കുന്ന മാങ്ങാ അച്ചാർ ഞൊടിയിടയിൽ തയാറാക്കാം.
ചേരുവകൾ
1. പച്ച മാങ്ങാ - ഒരു കിലോഗ്രാം
2. ഉപ്പ് - ആവശ്യത്തിന്
3. കടുക് - 1 ടീസ്പൂൺ
4. ഉലുവ - 1 ടീസ്പൂൺ
5. വെളുത്തുള്ളി - 12 അല്ലി
6. ഇഞ്ചി പൊടിയായി അരിഞ്ഞത് - 3 ടേബിൾസ്പൂൺ
7. കറിവേപ്പില - ഒരു തണ്ട്
8. നല്ലെണ്ണ - ഒന്നര കപ്പ്
9. കായപ്പൊടി - 1 ടീസ്പൂൺ
10. ഉലുവ വറുത്തു പൊടിച്ചത് - 3/4 ടീസ്പൂൺ
11. കടുക് വറുത്തു പൊടിച്ചത് - 1 ടീസ്പൂൺ
12. കാശ്മീരി മുളക് പൊടി - 4 ടേബിൾസ്പൂൺ
തയാറാക്കുന്ന വിധം
1. മാങ്ങാ കുറച്ചു വലിയ കഷ്ണങ്ങളാക്കി അരിഞ്ഞ് ഉപ്പ് പുരട്ടി രാത്രി വയ്ക്കുക . രാവിലെ ആകുമ്പോഴേക്കും മാങ്ങയിൽ നിന്ന് വെള്ളം ഇറങ്ങി വരും. അത് ഊറ്റി മാറ്റിവയ്ക്കുക. ശേഷം മാങ്ങ ഒരു തട്ടിൽ നിരത്തി രണ്ടു മണിക്കൂർ വെയിലത്ത് വയ്ക്കുക .
2. ഒരു ടീസ്പൂൺ കടുക് വറത്തു പൊടിക്കുക അടുപ്പിൽ പാൻ വച്ച് അതിലേക്കു നല്ലെണ്ണ ഒഴിച്ച് ചൂടാകുമ്പോൾ കടുക് ഇട്ട് പൊട്ടിക്കുക. ശേഷം ഉലുവ ഇടുക. മൂക്കുമ്പോൾ വെളുത്തുള്ളി, ഇഞ്ചി അരിഞ്ഞത് , കറിവേപ്പില എന്നിവ കൂടി ചേർത്ത് വഴറ്റുക.
3. തീ ഓഫ് ആക്കിയതിനു ശേഷം പൊടികൾ എല്ലാം ചേർത്ത് വഴറ്റുക. മാങ്ങയിൽ നിന്ന് മാറ്റി വച്ച വെള്ളം കൂടി ചേർത്ത് തിളപ്പിക്കുക. ശേഷം മാങ്ങ ഇട്ട് തീ ഓഫ് ചെയ്യുക . തണുക്കുമ്പോൾ കുപ്പിയിലാക്കി സൂക്ഷിക്കാം .
English Summary : Kerala Mango Pickle