ബ്രെഡിനൊപ്പം ഏറെ രുചിയോടെ ഫിഷ്മോളി

വളരെ രുചികരമായി പെട്ടെന്ന് തയാറാക്കാന്‍ പറ്റുന്ന ഫിഷ് മോളി അപ്പത്തിനും ബ്രഡിനും ഒപ്പം ബെസ്റ്റ് കോമ്പിനേഷന്‍.

ചേരുവകള്‍

• മീൻ - 250 ഗ്രാം
• ഇഞ്ചി(പൊടിയായി അരിഞ്ഞത്) - 1 ടീസ്പൂണ്‍ 
• വെളുത്തുള്ളി(പൊടിയായി അരിഞ്ഞത്) - 1 ടീസ്പൂണ്‍ 
• പച്ചമുളക് - 2
• സവാള - 1
• തക്കാളി - 1
• കറിവേപ്പില - ആവശ്യത്തിന്
• വെളിച്ചെണ്ണ - 3 ടേബിൾ സ്പൂൺ
• കുരുമുളകു പൊടി - 1/4 ടീസ്പൂണ്‍ 
• മഞ്ഞൾപ്പൊടി - 1/4 ടീസ്പൂണ്‍ 
• ഗരം മസാലപ്പൊടി - 1/4 ടീസ്പൂണ്‍ 
• നാരങ്ങാ നീര് - 1-2 ടേബിള്‍ സ്പൂണ്‍ (പുളിക്ക് ആവശ്യമുള്ളത് )
• ഒന്നാം പാൽ - 3/4 കപ്പ്
• രണ്ടാംപാൽ - 1 കപ്പ്
• ഉപ്പ് – ആവശ്യത്തിന്‌ 

മീനില്‍ പുരട്ടി വയ്ക്കാന്‍ 

• കുരുമുളകു പൊടി - 1/2 ടീസ്പൂണ്‍ 
• മഞ്ഞൾപ്പൊടി - ഒരു നുള്ള്
• ഉപ്പ് – ആവശ്യത്തിന്‌
• നാരങ്ങാ നീര് - 1 ടേബിള്‍ സ്പൂണ്‍

തയാറാക്കുന്ന വിധം

• ആദ്യം കുരുമുളകുപൊടിയും മഞ്ഞൾപ്പൊടിയും ഉപ്പും  നാരങ്ങാ നീരും ചേർത്ത് മീനില്‍ നല്ലതു പോലെ പുരട്ടി, 1/2 മണിക്കൂര്‍ വച്ചതിനു ശേഷം ചെറുതായി വറുത്തെടുക്കുക.

  ഇനി, അതേ എണ്ണയിലേക്കു എടുത്തു വച്ചിരിക്കുന്ന  ഇഞ്ചി, വെളുത്തുള്ളി, പച്ചമുളക് എന്നിവ ചേര്‍ത്ത് നല്ലതുപോലെ വഴറ്റാം. 

• അതിനു ശേഷം സവാള അരിഞ്ഞതും കറിവേപ്പിലയും ചേർത്ത് വഴന്നു വരുമ്പോൾ(സവാളയുടെ നിറം മാറരുത്) കുരുമുളക് പൊടി, ഗരം മസാലപ്പൊടി , മഞ്ഞൾപ്പൊടി എന്നിവ ചേർത്ത് വഴറ്റി അതിലേക്കു രണ്ടാം പാൽ ചേർത്ത് നന്നായി ഇളക്കി കൊടുക്കുക. ഒന്ന് ചൂടാകുമ്പോള്‍ വറുത്തു വച്ചിരിക്കുന്ന മീനും ആവശ്യത്തിന്‌ ഉപ്പും തക്കാളിയും ചേര്‍ത്ത്  അടച്ച് വെച്ച് 10 മിനിറ്റ് ചെറിയ തീയിൽ വേവിക്കുക.

• ശേഷം ഒന്നാം പാൽ ചേർത്ത് (ഇനി കറി അധികം തിളക്കരുത്) കുറച്ച് കൂടി കറിവേപ്പിലയും കുരുമുളക് പൊട്ടിച്ചതും ചേര്‍ത്ത് ഗ്യാസ് ഓഫ്‌ ചെയ്യാം. 

English Summary : Tasty Fish Molly for Lunch.