നല്ല നാടൻ മോര് കാച്ചിയത്, പത്ത് മിനിറ്റ് മതി

നല്ല നാടൻ മോര് കാച്ചിയത് തയാറാക്കാൻ വെറും പത്ത് മിനിറ്റു മതി.

ചേരുവകൾ

• അധികം പുളിയില്ലാത്ത മോര് – 1/2 ലിറ്റർ
• മഞ്ഞൾപ്പൊടി – 1/4 ടീസ്പൂൺ
• കറിവേപ്പില – ആവശ്യത്തിന്
• നാളികേരം – 1/4 കപ്പ്‌
• മുളകുപൊടി – 1/2 ടീസ്പൂൺ
• ജീരകം – കുറച്ച്
• വെളിച്ചെണ്ണ – 1 ടീസ്പൂൺ
• കടുക് – 1 ടീസ്പൂൺ
• മുളക്‌ – 2
• ഉലുവ – 1/4 ടീസ്പൂൺ
• കറിവേപ്പില

തയാറാക്കുന്ന വിധം

• മോരിൽ മഞ്ഞൾപ്പൊടി, കറിവേപ്പില എന്നിവ ചേർത്തു വയ്ക്കുക. 
• തേങ്ങാ, മുളകുപൊടി, ജീരകം എന്നിവ അരച്ചെടുത്തു മോരിൽ കലക്കുക. 
• അടുപ്പിൽ വച്ച് തീ കുറച്ചു നല്ലവണ്ണം ചൂടാകുന്നത് വരെ ഇളക്കുക.
• വാങ്ങി വച്ച് കുറച്ചു തണുക്കുന്നത് വരെ ഇളക്കുക.
• വെളിച്ചെണ്ണ ചൂടാകുമ്പോൾ കടുക്, ഉള്ളി, ഉണക്കമുളക്, കറിവേപ്പില എന്നിവ വറുത്തിടുക. മോര് കറി തയാർ.

English Summary : Moru Kachiyathu, a simple and delicious Kerala style Recipe.