എരിവിൻ രുചിയിലൊരു കോളിഫ്ലവർ കറി

വളരെ എളുപ്പത്തിലുണ്ടാക്കി വിളമ്പാവുന്ന ഒരു ഉത്തരേന്ത്യൻ വിഭവം ഇതാ.

ചേരുവകൾ:

• കോളിഫ്ലവർ - 1 എണ്ണം (വെള്ളത്തിൽ ഉപ്പ് ചേർത്ത് 20 മിനിറ്റ് തിളപ്പിക്കുക)
• വെളിച്ചെണ്ണ - 1 ടേബിൾ സ്പൂൺ 
• ജീരകം - 1 ടീ സ്പൂൺ 
• ഇഞ്ചി,വെളുത്തുള്ളി പേസ്റ്റ്  - 1 ടേബിൾ സ്പൂൺ 
• പച്ചമുളക് - 3 എണ്ണം (അരിഞ്ഞെടുത്തത്)
• സവാള - 1 എണ്ണം (കഷ്ണങ്ങളാക്കിയത്)
• തക്കാളി - 1 എണ്ണം (കഷ്ണങ്ങളാക്കിയത്)
• മുളകുപൊടി - 2 ടീ സ്പൂൺ 
• മല്ലിപ്പൊടി - 3 ടീ സ്പൂൺ 
• മഞ്ഞൾപ്പൊടി - 1/4 ടീ സ്പൂൺ 
• ഉരുളക്കിഴങ്ങ് - 1 എണ്ണം (കഷ്ണങ്ങളാക്കിയത്)
• ഗരം മസാല - 1/2 ടീ സ്പൂൺ 
• വെള്ളം - 1/2 കപ്പ് 
• കുരുമുളക് പൊടി - 1/2 ടീ സ്പൂൺ

തയാറാക്കുന്ന വിധം

• ചീനച്ചട്ടിയിൽ വെളിച്ചെണ്ണ മൂപ്പിച്ച് ജീരകം, ഇഞ്ചി പേസ്റ്റ്, പച്ചമുളക്, ഉള്ളി എന്നിവ ചേർത്ത് വഴറ്റുക. ഉപ്പും ചേർക്കുക. തക്കാളിയും ചേർത്ത് വഴറ്റുക. 
• മല്ലി, മുളക്, മഞ്ഞൾപ്പൊടികൾ ചേർത്ത്, ഉരുളക്കിഴങ്ങ് കൂടി ചേർത്തിളക്കിയ ശേഷം 10 മിനിറ്റ് വേവിക്കുക. വെന്ത ചേരുവയിൽ ,തയാറാക്കി വച്ച ക്വാളി ഫ്ലവർ കഷ്ണങ്ങളും ചേർത്ത്, വെള്ളവും ചേർത്ത് തിളപ്പിക്കുക. 
• ഗരം മസാലയും കുരുമുളക് പൊടിയും ചേർത്തിളക്കിയ ശേഷം വാങ്ങി വയ്ക്കുക. ചോറ്, ചപ്പാത്തി, റോട്ടി എന്നിവയ്ക്കൊപ്പം വിളമ്പാൻ ഏറെ വിശേഷമാണീ കറി.

English Summary : Cauliflower and Potato Curry.