ഗോതമ്പുണ്ട, വെറും നാല് ചേരുവകൾ കൊണ്ട് തയാറാക്കാം

റേഷൻ ഗോതമ്പ് പൊടിച്ചെടുത്തു മധുരമുള്ള ഉണ്ട തയാറാക്കിയാൽ നാലു മണിപലഹാരത്തിന് പിന്നെ വേറൊന്നും വേണ്ട.

ചേരുവകൾ

• ഗോതമ്പ്  - 1 കപ്പ്
• നാളികേരം ചിരകിയത് - 1 കപ്പ്
• ശർക്കര - 75 ഗ്രാം
• ഏലക്കായ പൊടി - 1 ടീസ്പൂൺ

തയാറാക്കുന്ന വിധം

• ഗോതമ്പ് കഴുകി വെള്ളം കളഞ്ഞ് എടുക്കുക. 
• ചൂടായ പാനിലേക്കു ഗോതമ്പ് ചേർത്ത് നന്നായി വറുത്തെടുക്കുക. വറുത്തെടുത്ത ഗോതമ്പ് ചൂടാറിയ ശേഷം ഒരു മിക്സിയുടെ ജാറിൽ ഇട്ടു പൊടിച്ചെടുക്കുക. ഈ ഗോതമ്പ് പൊടിച്ചതിലേക്കു നാളികേരം ചിരകിയതും ശർക്കര ചീകിയതും ഏലക്കായ പൊടിയും ചേർത്ത് ഒന്നുകൂടി അടിച്ചെടുക്കുക. 
• അടിച്ചെടുത്ത ഗോതമ്പ് മിക്സ് ഒരു ബൗളിലേക്കു മാറ്റി ഒന്നുകൂടി കൈ വച്ച് യോജിപ്പിച്ച ശേഷം ഉണ്ട ഉരുട്ടി എടുക്കുക. 
• ടേസ്റ്റി ഗോതമ്പ് ഉണ്ട തയാർ.

English Summary : Whole Wheat Sweet Balls.