വളരെ എളുപ്പത്തില്‍ ബ്രേക്ക് ഫാസ്റ്റിനൊരുക്കാം വയറുനിറയ്ക്കും ബ്രഡ് സാൻവിച്ച്

പ്രോട്ടീന്‍ ധാരാളമുള്ള മുട്ടയും വൈറ്റമിന്‍സും മിനറല്‍സും നിറഞ്ഞ വെജിറ്റബിള്‍സും കാല്‍സ്യം ധാരാളമുള്ള ചീസും ചേര്‍ത്ത് ഇതുപോലൊരു സാൻഡ്‌വിച്ച് തയാറാക്കിയാല്‍ ആര്‍ക്കും കഴിക്കാതിരിക്കാനാവില്ല.

ചേരുവകൾ

• ബ്രഡ് - 8 എണ്ണം
• സവാള - 1 വലുത്
• തക്കാളി - 1 ഇടത്തരം
• കാരറ്റ് - 1 ഇടത്തരം
• മോസറെല്ല ചീസ് - 3/4 കപ്പ്
• ഉപ്പ് - കുറച്ച്
• കുരുമുളകു പൊടി - 1/4 ടീസ്പൂണ്‍
• മുട്ട പുഴുങ്ങിയത് - 2 എണ്ണം
• ബട്ടര്‍ - 2 ടീസ്പൂണ്‍

തയാറാക്കുന്ന വിധം

• സവാളയും തക്കാളിയും പൊടിയായി അരിഞ്ഞെടുക്കുക. കാരറ്റ് ചീകിയും എടുക്കുക. ഇവ മൂന്നും ചീസും ഒരു  ബൗളിലേക്കിട്ട് ഉപ്പും കുരുമുളക് പൊടിയും ചേര്‍ത്ത് യോജിപ്പിച്ച് വയ്ക്കുക.
• മുട്ട പുഴുങ്ങിയത് ഓരോന്നും രണ്ടായി മുറിച്ച് വയ്ക്കുക.
• ഇനി ഒരു ബ്രെഡ് സ്ലൈസെടുത്ത് നടുഭാഗത്തായി മുട്ടപുഴുങ്ങിയതിന്റെ ഒരു കഷ്ണവും അതിനു ചുറ്റിനും ചീസ്- വെജിറ്റബിള്‍ മിശ്രിതവും വച്ച് കൊടുക്കുക. ഇനി മുകളില്‍ മറ്റൊരു ബ്രെഡ് സ്ലൈസ് വച്ച്  ബട്ടര്‍ പുരട്ടുക.
•  ശേഷം ബട്ടര്‍ പുരട്ടിയ ഭാഗം അടിയിലേക്കായി കുറഞ്ഞ തീയിൽ ഒരു പാനില്‍ ഒരു മിനിറ്റ് മൊരിയിച്ചെടുക്കുക. ഇനി മറിച്ചിട്ട് മറ്റേ വശവും ഗോള്‍ഡന്‍ ബ്രൗണ്‍ നിറമാകുമ്പോൾ തീ അണയ്ക്കാം.
• ടേസ്റ്റിയായിട്ടുള്ള എഗ്ഗ്-ചീസ് സാൻഡ്‌വിച്ച് രണ്ടായി മുറിച്ച് വിളമ്പാം.

English Summary : Easy Egg Cheese Sandwich