എളുപ്പത്തിൽ ഒരു നുറുക്ക് ഗോതമ്പ് കിണ്ണത്തപ്പം

HIGHLIGHTS
  • പഞ്ചസാരയ്ക്ക് പകരം ശർക്കരയാണ് ഉപയോഗിക്കുന്നത്.
kinnathappam
SHARE

നുറുക്ക് ഗോതമ്പ് കിണ്ണത്തപ്പം വളരെ എളുപ്പവും രുചികരവും ആരോഗ്യകരവുമാണ്. വീട്ടിൽ ലഭ്യമായ കുറച്ച് ചേരുവകൾ ഉപയോഗിച്ച് എളുപ്പത്തിൽ  ഉണ്ടാക്കാവുന്ന ഒരു  പലഹാരമാണിത്. പഞ്ചസാരയ്ക്ക് പകരം ശർക്കരയാണ് ഉപയോഗിക്കുന്നത്. ഇത് ഉണ്ടാക്കാൻ  തേങ്ങാപ്പാലിന് പകരം പശുവിൻ പാലുമാണ് ഉപയോഗിച്ചിരിക്കുന്നത്. 

ചേരുവകൾ:

  • നുറുക്ക് ഗോതമ്പ്  - ½ കപ്പ് 
  • ശർക്കര - 250 ഗ്രാം 
  • വെള്ളം - ¼ കപ്പ്
  • പശുവിൻ പാൽ - 1¼ കപ്പ്
  • ഏലക്കായ പൊടിച്ചത് - 1 ടീസ്പൂൺ 
  • ഉപ്പ് - ¼ ടീസ്പൂൺ
  • വെളിച്ചെണ്ണ - പാത്രത്തിൽ തടവുന്നതിന്

തയാറാക്കുന്ന വിധം വിഡിയോ കാണാം

  •  ശർക്കര വെള്ളമൊഴിച്ചു ചൂടാക്കി ഉരുക്കി എടുത്തതിനു  ശേഷം അരിച്ചു മാറ്റിവയ്ക്കാം.
  •  നുറുക്ക് ഗോതമ്പു ഒരു മണിക്കൂർ കുതിർത്തു വച്ച ശേഷം കഴുകി വാരി എടുക്കണം.
  •  ഇനി മിക്സിയുടെ ഒരു ജാറിലേക്ക് നുറുക്ക് ഗോതമ്പ്, ശർക്കര ഉരുക്കിയത്, പശുവിൻ പാൽ, ഏലക്കായ, ഉപ്പ് എന്നിവ ഇട്ടു നന്നായി അരച്ചെടുക്കണം.
  •  ഇത് ഇനി ഒന്ന് അരിച്ചെടുക്കാം, അരിപ്പയിൽ ബാക്കി വരുന്നത് ഒന്നുകൂടി മിക്സിയിലിട്ട് കുറച്ചു പാൽ കൂടി ഒഴിച്ച് അരച്ചെടുക്കണം.
  •  മാവ് കട്ടിയുള്ളതായിരിക്കാൻ പാടില്ല, കിണ്ണത്തപ്പത്തിന്റെ മാവിന്റെ പാകത്തിൽ വേണം എടുക്കാൻ. 
  •  ഇത് ഒന്ന് ഇളക്കി 20 മിനിറ്റ് മൂടിവയ്ക്കാം
  •  കിണ്ണത്തപ്പം ഉണ്ടാക്കാനുള്ള പാത്രത്തിൽ വെളിച്ചെണ്ണ തടവിയ ശേഷം മൂന്നോ നാലോ തവി മാവ് കോരിയൊഴിക്കുക.
  •  പത്ത് മുതൽ പതിനഞ്ചു മിനിറ്റ് വരെ ആവിയിൽ വേവിച്ചെടുക്കാം.
  • ചൂടറിയതിനു ശേഷം മുറിച്ച് ഉപയോഗിക്കാം.

English Summary : Broken Wheat Kinnathappam.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ദുരിതപ്പെയ്ത്തോ?, മേഘവിസ്ഫോടനമോ?– മനോരമ ഓൺലൈൻ എക്സ്പ്ലെയ്നർ

MORE VIDEOS
FROM ONMANORAMA