പയറു തോരൻ, ഇങ്ങനെ തയാറാക്കിയാൽ എത്ര വേണമെങ്കിലും കഴിക്കാം

ഊണിനൊരുക്കാം സ്പെഷൽ രുചിയിൽ പയർ തോരൻ.

ചേരുവകൾ

• പയർ - 3 കപ്പ്
• ജീരകം  - 1/2 ടീസ്പൂൺ
• വെളുത്തുള്ളി  - 2
• ചതച്ചമുളക്  - 1 ടീസ്പൂൺ
• മഞ്ഞൾപ്പൊടി  - 1/4 ടീസ്പൂൺ
• തേങ്ങ  - 3/4 കപ്പ്
• ഉള്ളി - 1 കപ്പ്
• കടുക്  - 1 ടീസ്പൂൺ
• അരി  - 1 ടീസ്പൂൺ
• ചുവന്നമുളക്  - 3
• കറിവേപ്പില

തയാറാക്കുന്ന  വിധം

• ഫ്രൈയിങ് പാനിൽ ചെറുതായി അരിഞ്ഞ പയറിനൊപ്പം വെളുത്തുള്ളി, ജീരകം ചതച്ചത്,  ചതച്ച മുളക്, മഞ്ഞൾപ്പൊടി, തേങ്ങ, ഉപ്പ് ആവശ്യത്തിന് വെള്ളം എന്നിവ ചേർത്ത് വേവിക്കുക. 
• പയർ വെന്തുകഴിഞ്ഞു വെള്ളം തോർത്തിയെടുക്കുക. 
• വേറൊരു പാനിൽ എണ്ണയൊഴിച്ചു കടുക് പൊട്ടിക്കുക. 
• അതിൽ അരിചേർത്ത് മൂത്ത ശേഷം ഉണക്കമുളകും ഉള്ളിയും കറിവേപ്പിലയും ചേർത്ത് വഴറ്റി പയർ ചേർത്ത് തോർത്തി എടുക്കുക.

English Summary : Achinga Payar Thoran.