കടല ചൂണ്ടൽ, നവരാത്രി ആഘോഷങ്ങൾക്ക് രുചി പകരാൻ

നാലുമണി പലഹാരമായി കഴിക്കാവുന്ന കടല ചൂണ്ടൽ.

ചേരുവകൾ

• കടല - 1 കപ്പ്‌
• നാളികേരം -1 ചെറിയ കപ്പ് 
• കടുക് - 1/2 ടീസ്പൂൺ
• ഉഴുന്ന് പരിപ്പ് - 1 ടീസ്പൂൺ
• ചുവന്ന മുളക് - 2 എണ്ണം
• പച്ചമുളക് - 2 എണ്ണം
• കറിവേപ്പില
• വെളിച്ചെണ്ണ - 2 ടേബിൾ സ്പൂൺ
• ചെറു നാരങ്ങ - 1/2 പകുതി

തയാറാക്കുന്ന വിധം

• കടല നന്നായി കഴുകി ഒരു 8 മണിക്കൂർ എങ്കിലും വെള്ളത്തിൽ കുത്തർത്തി വയ്ക്കുക.
• അതിനുശേഷം പ്രഷർ കുക്കറിൽ ഇട്ടു ആവശ്യത്തിന് വെള്ളവും ഉപ്പും ചേർത്ത് ഉടഞ്ഞു പോകാതെ വേവിച്ചെടുക്കുക.
  ഒരു പാനിൽ വെളിച്ചെണ്ണ ചൂടാക്കി കടുക്, ഉഴുന്ന്, ചുവന്ന മുളക് എന്നിവ വറക്കുക.
• അതിലേക്കു പച്ചമുളക്  അരിഞ്ഞത്, കറിവേപ്പില എന്നിവ ചേർത്ത് നന്നായി വഴറ്റുക.
• അതിലേക്ക് വേവിച്ച കടല വെള്ളം ഇല്ലാതെ ചേർത്ത് ഇളക്കി ചൂടാക്കുക.
•  നാളികേരം ചേർത്തു യോജിപ്പിക്കുക. അതിലേക്കു നാരങ്ങ ചെറുതായിട്ട് പിഴിഞ്ഞ് യോജിപ്പിച്ച് തീ അണയ്ക്കുക.

English Summary : Navaratri Special Black Chana Chundal.