ടേസ്റ്റി പഴംപൊരി, പെർഫെക്ട് രുചിയിൽ

ഇതിലും എളുപ്പത്തിൽ ഇത്ര പെർഫെക്ടായി ഒരു പഴംപൊരി ഉണ്ടോ ? വെറും 10 മിനിറ്റു മതി രുചികരമായി തയാറാക്കാം.

ചേരുവകൾ 

• നേന്ത്രപ്പഴം - 2
• മൈദ - 1 കപ്പ്
• അരിപ്പൊടി - 1/2 കപ്പ്
• പഞ്ചസാര - 3 ടേബിൾസ്പൂൺ
• മഞ്ഞൾപ്പൊടി - 1/2 ടീസ്പൂൺ
• ഉപ്പ് - 1/2 ടീസ്പൂൺ
• ബേക്കിങ് സോഡ - 1/4 ടീസ്പൂൺ
• വെള്ളം – ആവശ്യത്തിന്
• ഓയിൽ - വറുക്കാൻ ആവശ്യത്തിന്

തയാറാക്കുന്ന വിധം 

• പഴം അരിഞ്ഞെടുക്കുക. ഒരു ബൗളിലേക്കു മൈദ, അരിപ്പൊടി, ഉപ്പ്, മഞ്ഞൾപ്പൊടി, പഞ്ചസാര, ബേക്കിങ് സോഡ എന്നിവ ചേർത്ത് മിക്സ് ചെയ്യുക.
• ഇതിലേക്കു കുറേശ്ശെ വെള്ളം ചേർത്ത് കൈ കൊണ്ട് നന്നായി കുഴച്ചെടുത്തു കട്ടിയുള്ള മാവാക്കി എടുക്കുക.
• ഓരോ പഴത്തിന്റെ കഷ്ണം എടുത്തു മാവിൽ മുക്കി ചൂടായ എണ്ണയിലേക്കിട്ട് ഫ്രൈ ചെയ്തെടുക്കുക.
  
• ചൂടോടെ ചായയുടെ കൂടെ കഴിക്കാം.

English Summary : Pazham pori or crispy banana fritters is an iconic snack that is loved by Keralites around the globe.