ഉള്ളം തണുപ്പിക്കാൻ ഉഗ്രൻ സ്വാദിൽ മത്തങ്ങ ജ്യൂസ്

മത്തങ്ങ ചേർത്തു ഒരു കിടിലൻ കൂൾ ഡ്രിങ്ക് തയാറാക്കി നോക്കൂ...!

ചേരുവകൾ

• മത്തങ്ങ - 1/4 കിലോഗ്രാം
• ഏലക്ക - 2
• പഞ്ചസാര - 2 ടേബിൾസ്പൂൺ
• തണുത്ത പാൽ - 2 ഗ്ലാസ്സ്
• മിൽക്ക് മെയ്ഡ് /പാൽപ്പൊടി - 2 ടേബിൾ സ്പൂൺ (ഓപ്ഷണൽ)
• നട്ട്സ് - കുറച്ച് (ഗാർണിഷ് ചെയ്യുവാൻ)

തയാറാക്കുന്ന വിധം

• മത്തങ്ങ ചെറിയ കഷ്ണങ്ങളാക്കി അരിഞ്ഞ് 1/4 ഗ്ലാസിൽ താഴെ വെള്ളം ഒഴിച്ച് പഞ്ചസാരയും ഏലക്കയും ഇട്ട് 8-10 മിനിറ്റ് വരെ വേവിക്കുക.
• ചൂടാറിയതിനുശേഷം മിക്സിയുടെ ജാർ എടുത്ത് അതിലേക്ക് മത്തങ്ങ,പാൽ,പഞ്ചസാര, പാൽപ്പൊടി എന്നിവ ചേർത്ത് അടിച്ചെടുക്കുക.
• ഇത് ഒരു ഗ്ലാസ്സിലേക്ക് ഒഴിച്ച് ഗാർണിഷ് ചെയ്യുവാൻ നട്ട്സ് നുറുക്കി അതിന്റെ മുകളിൽ ഇട്ടുകൊടുക്കാം.
• അങ്ങനെ സ്വാദേറിയ മത്തങ്ങ ഡ്രിങ്ക് തയാർ!

English Summary : Pumpkin Juice Recipe.