ഒട്ടും കയ്പ്പില്ലാതെ വറുത്ത നാരങ്ങാ അച്ചാർ

വളരെ എളുപ്പത്തിൽ രുചികരമായി തയാറാക്കാവുന്ന നാരങ്ങാ അച്ചാർ.

ചേരുവകൾ

ചെറുനാരങ്ങ – 25
നല്ലെണ്ണ – 1/4 കപ്പ്
വെളുത്തുള്ളി – 1/4 കപ്പ് ചെറുതായി നുറുക്കിയത്
പച്ചമുളക് – 10 വട്ടത്തിൽ നുറുക്കിയത്
ഇഞ്ചി – 2 ടേബിൾ സ്പൂൺ
കല്ലുപ്പ് – 1/2 കപ്പ്‌
മഞ്ഞൾപ്പൊടി – 1 ടീസ്പൂൺ
മുളകുപൊടി – 1 1/2 ടീസ്പൂൺ
കായംപൊടി – 1 1/2 ടീസ്പൂൺ
ഉലുവാപ്പൊടി – 1 ടീസ്പൂൺ

തയാറാക്കുന്ന വിധം

• കുറച്ചു നല്ലെണ്ണ ഒഴിച്ച് ചൂടായാൽ നാരങ്ങ നല്ലവണ്ണം വറുത്തെടുക്കുക. 
• ചൂടാറിയതിനു ശേഷം നല്ലവണ്ണം തുടച്ച് കഷ്ണങ്ങളാക്കുക.
• ഉപ്പ് ചേർക്കുക.
• ഒരു പാനിൽ നല്ലെണ്ണ ഒഴിച്ച് ചൂടായാൽ കടുക് ഇട്ട് പൊട്ടിക്കുക.
• വെളുത്തുള്ളി, ഇഞ്ചി, പച്ചമുളക് എന്നിവ ചേർത്തു മൂത്താൽ മഞ്ഞൾപ്പൊടി ഇട്ട് ഓഫ്‌ ചെയ്ത് ബാക്കി പൊടികൾ ചേർക്കുക.
• നാരങ്ങാ ചേർത്ത് നല്ല വണ്ണം യോജിപ്പിക്കുക.
• നാരങ്ങ അച്ചാർ തയാർ.

English Summary : Tasty Lemon Pickle.