കാഞ്ചിപുരം റവ ഉപ്പുമാവ്, വ്യത്യസ്ത രുചിയിൽ

സാധാരണ ഉണ്ടാക്കുന്ന ഉപ്പുമാവിൽ നിന്നും തികച്ചും വ്യത്യസ്തമായൊരു രുചി ഇതാ...

ചേരുവകൾ

റവ – 1 ഗ്ലാസ്
തേങ്ങ ചിരകിയത് – 3 ടേബിൾ സ്പൂൺ
സവാള – 1 ചെറുതായി നുറുക്കിയത്
കുരുമുളക് – 1 ടീസ്പൂൺ
ജീരകം – 1 ടീസ്പൂൺ
കടുക് – 1 ടീസ്പൂൺ
ഉഴുന്ന് പരിപ്പ് – 2 ടീസ്പൂൺ
കറിവേപ്പില
വെളിച്ചെണ്ണ
വെള്ളം – 2 ഗ്ലാസ്

തയാറാക്കുന്ന വിധം

• ഒരു ചീനച്ചട്ടിയിൽ റവ വറുത്തെടുക്കുക. 
• റവ വറുത്തത് മാറ്റിയതിനു ശേഷം ചീനചട്ടിയിൽ വെളിച്ചെണ്ണ ഒഴിച്ച് കുരുമുളക് നല്ല വണ്ണം പൊട്ടിയതിനു ശേഷം കടുക് ഇടുക. ജീരകം, ഉഴുന്ന് പരിപ്പ് എന്നിവ ചേർക്കുക.
• ഇവയെല്ലാം മൂത്തതിനു ശേഷം സവാള, ഇഞ്ചി, പച്ചമുളക് എന്നിവ ചേർക്കുക.
• വഴന്ന ശേഷം തേങ്ങ ചേർക്കുക. ഒന്നു വഴറ്റിയതിനു ശേഷം വെള്ളം ഒഴിക്കുക. ഉപ്പ്‌ ചേർക്കുക.
• വെള്ളം തിളച്ചാൽ റവ ചേർക്കാം.
• വെള്ളം വറ്റിയാൽ തീ കുറച്ചു 3 മിനിറ്റ് വച്ചതിനു ശേഷം തേങ്ങ ചേർത്ത് നന്നായി ഉലർത്തി എടുക്കുക.
• കാഞ്ചിപ്പുരം റവ ഉപ്പുമാവ് തയാർ.

English Summary : Kanchipuram Rava Uppumavu Recipe.