നല്ല പഞ്ഞി പോലുള്ള സന്നാസ്, ഗോവൻ അപ്പം

വളരെ രുചികരമായി തയാറാക്കാവുന്ന ഒരു ഗോവൻ വിഭവമാണ് സന്നാസ്. വെജ്–നോൺവെജ് കറികൾക്കൊപ്പം കഴിക്കാം.

ചേരുവകൾ 

• ഇഡ്‌ഡലി അരി/ പച്ചരി - 2 കപ്പ് 
• ഉഴുന്ന് - 2 ടേബിൾസ്പൂൺ 
• അവൽ - ½ കപ്പ് 
• യീസ്റ്റ് - 1 ടീസ്പൂൺ 
• പഞ്ചസാര - 4 ടേബിൾസ്പൂൺ 
• ഉപ്പ് 
• വെള്ളം 

തയാറാക്കുന്ന വിധം 

• അരിയും ഉഴുന്നും കഴുകിയ ശേഷം 4 മണിക്കൂർ കുതിർത്ത് എടുക്കുക. 
• അവലും കഴുകി എടുക്കുക. 
• ഒരു മിക്സിയുടെ ജാറിലേക്കു കുതർത്തിയ അരിയും ഉഴുന്നും ഇട്ടു കൊടുക്കുക. 
• ശേഷം അവൽ, യീസ്റ്റ്, പഞ്ചസാര എന്നിവ ആവശ്യത്തിന് വെള്ളം ചേർത്ത് നന്നായി അരച്ചെടുക്കുക. (അരച്ചെടുക്കാൻ അരിയും ഉഴുന്നും കുതിർത്ത വെള്ളം തന്നെ ആണ് എടുക്കേണ്ടത് )അരച്ചെടുത്ത മാവ് കുറച്ചു വലിയ ബൗളിലേക്കുഒഴിച്ചുകൊടുക്കുക .ഇനി  കൈ കൊണ്ട് നന്നായി മാവിനെ യോജിപ്പിച്ച ശേഷം 6  മണിക്കൂർ വയ്ക്കണം.
• ശേഷം നന്നായി പൊന്തിവന്ന മാവിലേക്കു ഉപ്പുകൂടി ചേർത്ത് യോജിപ്പിക്കുക. 
• ഒരു ഇഡ്ഡലി പാത്രത്തിൽ വെള്ളം വച്ച് നന്നായി തിളപ്പിച്ചെടുക്കുക, സന്നാസ് തയാറാക്കുന്ന ചെറിയ ബൗളുകൾ വെളിച്ചെണ്ണ പുരട്ടിയ ശേഷം ഇഡ്ഡലി പാത്രത്തിൽ വച്ച് മുക്കാൽ ഭാഗം മാവ് ഒഴിച്ച് 10 മിനിറ്റ് അടച്ചു വച്ച് വേവിച്ചെടുക്കാം. 

English Summary : Sannas, spongy steamed savoury rice cakes from Mangalorean Cuisine.