നുറുക്കു ഗോതമ്പു കൊണ്ട് പഞ്ഞിപോലുള്ള അപ്പം

പോഷക ഗുണങ്ങൾ നിറഞ്ഞ നുറുക്ക് ഗോതമ്പ് ദിവസത്തിൽ ഒരു തവണയെങ്കിലും ഭക്ഷണത്തിലുൾപ്പെടുത്തിയാൽ വളരെ നല്ലതാണ്. നല്ല പഞ്ഞി പോലെയുള്ള അപ്പം നുറുക്ക് ഗോതമ്പുകൊണ്ട് തയാറാക്കാം.

ചേരുവകൾ

• നുറുക്ക് ഗോതമ്പ് - ഒരു കപ്പ്
• അവൽ - മൂന്നിലൊന്ന് കപ്പ്
• തേങ്ങ ചിരകിയത് - ഒരു കപ്പ്
• പഞ്ചസാര- 3 ടേബിൾസ്പൂൺ
• ഉപ്പ് - ആവശ്യത്തിന്
• യീസ്റ്റ് - കാൽ ടീസ്പൂൺ
• ഏലക്ക - 2 എണ്ണം
• ജീരകം - അര ടീസ്പൂൺ
• വെള്ളം - ആവശ്യത്തിന്

തയാറാക്കുന്ന വിധം 

• നുറുക്കുഗോതമ്പ് നന്നായി കഴുകി മൂന്നുമണിക്കൂർ കുതിർത്തുവയ്ക്കുക. രണ്ട് ഏലക്ക കൂടി ഗോതമ്പിന്റെ കൂടെ കുതിർക്കണം.
• അരയ്ക്കുന്നതിന് 10 മിനിറ്റ് മുൻപായി അവലും കുതിർത്തു വയ്ക്കുക.
• നുറുക്കുഗോതമ്പിലെ വെള്ളം ഊറ്റി കളഞ്ഞു ബാക്കിയുള്ള ചേരുവകൾ കൂടി ചേർത്ത് ആവശ്യത്തിന് വെള്ളവും ചേർത്ത് മിക്സിയിൽ  നല്ല മയത്തിൽ അരച്ചെടുക്കണം.
• പുളിച്ചു പൊങ്ങാൻ 4 മുതൽ 6 മണിക്കൂർ  വരെ വെക്കാം.
• ഒരു ദോശക്കല്ല് ചൂടാക്കി ഒരു തവി മാവ് ഒഴിച്ച് അടച്ചു വച്ച് ചെറിയ തീയിൽ ഒരു മിനിറ്റ് വേവിക്കുക.

English Summary : Broken Wheat Appam and Palappam.