ചുട്ട വഴുതനങ്ങ ചമ്മന്തി, ചോറിന് കൂട്ടാൻ വേറിട്ട സ്വാദ്

വഴുതനങ്ങ ചുട്ടെടുത്ത ശേഷം തയാറാക്കുന്ന ചമ്മന്തിക്ക് സ്പെഷൽ രുചിയാണ്.

ചേരുവകൾ

• വഴുതനങ്ങ -2
• പച്ചമുളക് - 4
• പുളി - ഒരു ചെറിയ നെല്ലിക്ക വലുപ്പത്തിൽ

• വെളിച്ചെണ്ണ - 2 ടേബിൾ സ്പൂൺ
• കടുക് - 1 ടീസ്പൂൺ
• കറിവേപ്പില - 3-4
• വറ്റൽ മുളക് - 2
• കായം - 1 ടീസ്പൂൺ 

തയാറാക്കുന്ന വിധം

വഴുതനങ്ങ നന്നായി ചുട്ടെടുക്കണം.

ചുട്ടെടുത്ത വഴുതനങ്ങ 4-5 പച്ചമുളകും ഒരു ചെറിയ കഷ്ണം പുളിയും കായവും ഉപ്പും ചേർത്ത് വെള്ളം ചേർക്കാതെ നന്നായി അരച്ചെടുക്കണം.

ഒരു ചീനച്ചട്ടിയിൽ വെളിച്ചെണ്ണയിൽ കടുക് പൊട്ടിച്ച് കറിവേപ്പിലയും വറ്റൽ മുളകും  ചേർത്ത് അതിലേക്ക്‌ അരച്ച വഴുതനങ്ങയും  ചേർത്ത് നന്നായി വഴറ്റി  എടുത്താൽ സ്വദിഷ്ഠമായ ചമ്മന്തി റെഡി. ചൂട് ചോറിനോപ്പമോ ദോശക്ക്‌ ഒപ്പമോ ഒന്നാന്തരം രുചിയാണ്.

English Summary : A spicy and tempting condiment made from brinjal.