ചൂടിനെ ചെറുക്കാൻ ഉള്ളു കുളിർക്കും രുചിയിൽ പുതിന ചെറുനാരങ്ങാ ജ്യൂസ്

സോഡ ചേർത്ത പുതിന – ചെറുനാരങ്ങാ ജ്യൂസ്, വളരെ എളുപ്പത്തിൽ തയാറാക്കാം.

ചേരുവകൾ (രണ്ട് വലിയ ഗ്ലാസിന് )

• പുതിനയില -  30 -35 എണ്ണം 
• ചെറുനാരങ്ങ -  2 എണ്ണം 
• ഇഞ്ചി - ഒരു ചെറിയ കഷ്ണം 
• സോഡ - 500 മില്ലി 
• തണുത്ത വെള്ളം - 1/ 2 കപ്പ് 
• പഞ്ചസാര 
• ഐസ് ക്യൂബ്സ് 

തയാറാക്കുന്ന വിധം 

• ഒരു മിക്സിയുടെ ജാറിലേക്കു പുതിനയില, നാരങ്ങാനീര്, ഇഞ്ചി, പഞ്ചസാര, ഐസ് ക്യൂബ്സ്, അര കപ്പ്  തണുത്ത വെള്ളം എന്നിവ ചേർത്ത് നന്നായി അടിച്ചെടുക്കുക. 
• ശേഷം ഇത് അരിച്ചെടുക്കാം. ഇനി ഒരു സെർവിങ് ഗ്ലാസിൽ ആദ്യം കുറച്ചു ഐസ് ക്യൂബ്സ് ഇട്ടുകൊടുക്കുക. 
• ശേഷം പുതിന ജ്യൂസ് ഒഴിക്കുക. 
• ഇനി ആവശ്യത്തിന് തണുത്ത സോഡാ കൂടി ചേർത്ത് ഒന്ന് യോജിപ്പിക്കുക. 

English Summary : Mint lime to beat the summer heat.