ചപ്പാത്തിക്കും പൂരിക്കും കൂട്ടാൻ എളുപ്പത്തിലൊരു ഉരുളക്കിഴങ്ങു കറി

രാവിലത്തെ പലഹാരങ്ങൾക്കൊപ്പം കഴിക്കാൻ എളുപ്പത്തിൽ തയാറാക്കാം ഉരുളക്കിഴങ്ങ് ഭാജി.

ചേരുവകൾ

• ഉരുളക്കിഴങ്ങ് - 400 – 500 ഗ്രാം വരെ
• സവാള - 1 ഇടത്തരം
• തക്കാളി - 1/4
• പച്ചമുളക് - 4
• ഇഞ്ചി - ഒരു ചെറിയ കഷണം
• കറിവേപ്പില
• മഞ്ഞൾപ്പൊടി - 1/2 ടീസ്പൂൺ
• ഉപ്പ്
• വെള്ളം
• വെളിച്ചെണ്ണ - 1 ടേബിൾ സ്പൂൺ
• കടുക് - 1/4 ടീസ്പൂൺ

തയാറാക്കുന്ന വിധം

• ഉരുളക്കിഴങ്ങ് തൊലി കളഞ്ഞ് ക്യൂബ്സായി മുറിക്കുക.
• സവാളയും തക്കാളിയും ഇഞ്ചിയും അരിഞ്ഞെടുക്കുക. മഞ്ഞൾപ്പൊടിയും ഉപ്പും ആവശ്യത്തിന് വെള്ളവും ചേർക്കുക.
• ഉയർന്ന തീയിൽ പ്രഷർ കുക്കറിൽ 3 വിസിൽ വരുന്നതു വരെ വേവിക്കുക.
• വേവിച്ച ഉരുളക്കിഴങ്ങിൽ കുറച്ച് കഷ്ണങ്ങൾ മാഷ് ചെയ്ത് എടുക്കുക.
• ഗ്രേവി കട്ടിയുള്ളതാകാൻ കുറച്ച് നേരം വേവിക്കുക. വെളിച്ചെണ്ണയിൽ കടുക്, കറിവേപ്പില എന്നിവ വറുത്ത് കറിയിൽ ചേർക്കുക.

English Summary : Easy potato bhaji,beachelors Special Recipe.