ഓട്സ് കൊഴുക്കട്ട, ഉള്ളിൽ ചക്കപ്പഴത്തിന്റെ മധുരം

നാടൻ രുചിയിലൊരു പലഹാരം. ആവി പറക്കുന്ന ഓട്സ് കൊഴുക്കട്ടയ്ക്കുള്ളിൽ ചക്കപ്പഴവും ശർക്കരയും ചേർന്ന മധുരമാണ് നിറച്ചിരിക്കുന്നത്.

ചേരുവകൾ

• ഓട്സ് - 1/2 കപ്പ് 
• അരിപ്പൊടി - 2 ടേബിൾസ്പൂൺ 
• ചക്കപ്പഴം അരിഞ്ഞത് - 250 ഗ്രാം
• ശർക്കര - 1/3 കപ്പ് 
• തേങ്ങ - 1.5 കപ്പ് 
• ഏലയ്ക്കാപ്പൊടി - 1/2 ടീസ്പൂൺ
• ജീരകപ്പൊടി - 1/4 ടീസ്പൂൺ
• ബട്ടർ - 1 ടീസ്പൂൺ

തയാറാക്കുന്ന വിധം

• ചക്ക അരിഞ്ഞത് പ്രഷർ കുക്കറിൽ വേവിച്ചെടുക്കുക. 
• പാൻ അടുപ്പത്തുവച്ചു വെള്ളവും ശർക്കരയും ചേർത്ത് തിളക്കുമ്പോൾ ചക്ക ചേർത്തിളക്കി വെള്ളം വറ്റാറാകുമ്പോൾ തേങ്ങയും ബട്ടറും ഏലയ്ക്കാപ്പൊടിയും ജീരകപ്പൊടിയും ചേർത്ത് വരട്ടിയെടുക്കുക. 
• വേറൊരു പാനിൽ ഓട്സ് മൂപ്പിച്ചു അരിപ്പൊടി ചേർത്തു പൊടിച്ചു വയ്ക്കുക. 
• അതേ പാനിൽ വെള്ളം ചേർത്ത് തിളപ്പിച്ചു  പൊടി യോജിപ്പിച്ചു  അഞ്ചു മിനിറ്റ് അടച്ചുവയ്ക്കുക. 
• പിന്നീട് ബോൾസാക്കി  പരത്തി ഉള്ളിൽ ചക്ക ചേർത്ത് അടച്ചു 6 മിനിറ്റ് ആവിയിൽ വേവിച്ചെടുക്കുക.

English Summary : Kozhukatta or steamed balls could be enjoyed as a filling breakfast or an evening snack.