കറുമുറെ കൊറിക്കാൻ ബേക്കറി സ്റ്റൈൽ കേക്ക് റസ്ക്ക്
Mail This Article
×
കണ്ടാൽ കേക്കു പോലെയിരിക്കും റസ്ക്കുപോലെ കട്ടിയുള്ള ഈ പലഹാരം വീട്ടിൽ തയാറാക്കുന്നത് എങ്ങനെയെന്നു നോക്കാം.
ചേരുവകൾ
- മൈദ - 1 കപ്പ്
- ബട്ടർ - 100 ഗ്രാം
- പഞ്ചസാര - 1/2 കപ്പ്
- മുട്ട - 1
- പാൽ - 1/3 കപ്പ്
- വാനില എസൻസ് - 1 ടീസ്പൂൺ
- ട്യൂട്ടി ഫ്രൂട്ടി - 1 ടേബിൾസ്പൂൺ
- ബേക്കിങ് പൗഡർ - 1/2 ടീസ്പൂൺ
- മഞ്ഞ ഫുഡ് കളർ - ഒരു നുള്ള് (ആവശ്യമെങ്കിൽ)
- ഉപ്പ് – ഒരു നുള്ള്
തയാറാക്കുന്ന വിധം
- അവ്ൻ 180 ഡിഗ്രി സെൽഷ്യസിൽ പ്രീഹീറ്റ് ചെയ്യുക.
- മാവും ഉപ്പും ബേക്കിങ് പൗഡറും യോജിപ്പിച്ചു അരിച്ചു വയ്ക്കുക.
- ബട്ടറും പഞ്ചസാരയും ചേർത്തു നന്നായി ബീറ്റ് ചെയ്യുക.
- ഇതിലേക്കു മുട്ടയും എസൻസും ചേർത്തു നന്നായി അടിച്ചെടുക്കുക. ഇതിലേക്കു മാവ് രണ്ടു തവണയായി ചേർത്ത് പാലും ചേർത്തു യോജിപ്പിക്കുക.
- മഞ്ഞ ഫുഡ് കളറും ട്യൂട്ടി ഫ്രൂട്ടിയും ചേർത്തു യോജിപ്പിക്കുക.
- ഈ ബാറ്റർ ഒരു പാനിലേക്കു പകർത്തുക.
- 25 മിനിറ്റ് ബേക്ക് ചെയ്തെടുക്കുക. ശേഷം ചൂട് പൂർണമായി മാറിയ ശേഷം മുറിച്ചെടുക്കാം.
- മുറിച്ച പീസുകൾ ട്രേയിൽ അലൂമിനിയം ഫോയിലിൽ ഇട്ടു നിരത്തി വയ്ക്കുക.
- ഇത് വീണ്ടും 180 ഡിഗ്രി സെൽഷ്യസിൽ 15-20 മിനിറ്റോളം ഓരോ വശവും ബേക്ക് ചെയ്ത് എടുക്കുക.
- ചൂടു കുറഞ്ഞ ശേഷം കഴിക്കാം.
English Summary : Bakery Style crispy Dry Cake Biscuit
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.