ഏത്തപ്പഴവും മുട്ടയും ചേർത്തു ഞൊടിയിടയിൽ പുഡ്ഡിങ് റെഡി
Mail This Article
പഴുത്തു കറുത്തു പോയ പഴത്തിനു ധാരാളം ഗുണങ്ങൾ ഉണ്ട്. രക്തത്തിലെ പഞ്ചസാരയുടെ അളവ് ക്രമീകരിക്കാനും തടി കുറയ്ക്കാനും കാൻസർ ചെറുക്കാനും ത്വക്ക് രോഗങ്ങൾ വരാതിരിക്കാനും കറുത്തു പോയ പഴത്തിലെ ആന്റി ഓക്സിഡന്റ്സ് സഹായിക്കുന്നു.
ചേരുവകൾ
• പഴം - 2 എണ്ണം
• മുട്ട - 2 എണ്ണം
• പാൽ - 200 മില്ലി ലിറ്റർ
• പഞ്ചസാര - 6 ടേബിൾസ്പൂൺ
• ഏലയ്ക്ക - 3 എണ്ണം
തയാറാക്കുന്ന വിധം
• ചുവടു കട്ടിയുള്ള ഒരു ഫ്രൈയിങ് പാനിൽ 4 ടേബിൾസ്പൂൺ പഞ്ചസാര ഇട്ട് കാരമലൈസ് ചെയ്തെടുക്കുക. കരിഞ്ഞു പോകാതെ ശ്രദ്ധിക്കണം.
• ശേഷം ഇത് പുഡ്ഡിങ് സെറ്റ് ചെയ്യാനുള്ള പാത്രത്തിൽ ഒഴിച്ച് അടിയിൽ ഒരു ലെയർ വരുന്ന വിധത്തിൽ ചുറ്റിച്ചെടുത്തു മാറ്റി വയ്ക്കുക.
• മിക്സിയുടെ വലിയ ജാറിൽ 2 പഴം അരിഞ്ഞതും 2 മുട്ടയും 2 ടേബിൾസ്പൂൺ പഞ്ചസാരയും 3 ഏലക്കായും ചേർത്തു നന്നായി അരച്ചെടുക്കുക. ഇതിലേക്ക് 200 മില്ലി ലിറ്റർ പാലും ചേർത്ത് ഒന്നു കൂടെ അടിച്ചെടുക്കുക.
• ശേഷം ഇത് പുഡ്ഡിങ് സെറ്റ് ചെയ്യാൻ നേരത്തെ കാരമൽ സിറപ്പ് ഒഴിച്ചു വച്ച പാത്രത്തിലേക്കു പകർത്തുക. ഇത് ആവിയിൽ 30 മിനിറ്റ് വേവിച്ചെടുക്കുക. ശേഷം ചൂടാറുമ്പോൾ ഫ്രിജിൽ വച്ചു തണുപ്പിച്ചു വിളമ്പാം.
English Summary : Over ripe banana pudding.