പ്രഭാത ഭക്ഷണത്തിനു ചെറുപയർപരിപ്പ് – പനീർ ദോശ

HIGHLIGHTS
  • മാവ് പുളിക്കാതെ പെട്ടെന്ന് ഒരു പ്രഭാത ഭക്ഷണം
moongdal-paneer-cheela
SHARE

ധാരാളം പ്രോട്ടീൻ അടങ്ങിയ പ്രഭാത ഭക്ഷണം, പനീറും പച്ചക്കറികളും കഴിക്കാത്തവർ പോലും ഈ രീതിയിൽ തയാറാക്കിയാൽ കഴിക്കും.

ചേരുവകൾ

  • ചെറുപയർ പരിപ്പ് - 1 കപ്പ്
  • ജോവാർ ഫ്ലോർ ( ചോളം പൊടി)  അല്ലെങ്കിൽ അരി കുതിർത്തത് - 1/4 കപ്പ്
  • പച്ചമുളക് - 2
  • ഇഞ്ചി - ചെറിയ കഷ്ണം
  • ഉപ്പ്  - പാകത്തിന്
  • ബീറ്റ്‌റൂട്ട് - 1 ഗ്രേറ്റ് ചെയ്തത്
  • വെള്ളം - ആവശ്യത്തിന്

ചെറുപയർ പരിപ്പ് 4 മണിക്കൂർ ( മിനിമം 2 മണിക്കൂർ) കുതിർത്ത് കഴുകി ബാക്കി ചേരുവകൾ ചേർത്ത് നന്നായി അരച്ചെടുക്കുക. 

മാവു രണ്ടായി ഭാഗിക്കുക. ഒരു പകുതിയിൽ ബീറ്റ്‌റൂട്ട് ചേർത്ത് അരയ്ക്കുക.

സ്റ്റഫ് ചെയ്യാൻ

  • പനീർ - 100 ഗ്രാം
  • മഞ്ഞൾപ്പൊടി - 1/4 ടീ സ്പൂൺ
  • കാശ്മീരി മുളകുപൊടി - 1/4 ടീ സ്പൂൺ
  • കുരുമുളകുപൊടി - 1/4 ടീ സ്പൂൺ
  • ജീരകപ്പൊടി - 1/4 ടീ സ്പൂൺ
  • കായപ്പൊടി - 1 നുള്ള്
  • ഉപ്പ് - 1 നുള്ള്
  • മല്ലി ചട്ണി - കുറച്ച്( മല്ലി പച്ചമുളകും, ഉപ്പും, നാരങ്ങ നീരും ചേർത്ത് അരയ്ക്കുക)
  • കാരറ്റ് - 1 ഗ്രേറ്റ് ചെയ്തത്
  • നല്ലെണ്ണ -  ആവശ്യത്തിന്

പനീർ ബാക്കി ചേരുവകൾ ചേർത്ത് നന്നായി യോജിപ്പിക്കുക. 

തയാറാക്കുന്ന വിധം

ദോശക്കല്ല് ചൂടാക്കി അതിൽ മാവ് ഒഴിച്ചു നല്ലതു പോലെ പരത്തുക. പിന്നെ മല്ലി ചട്ണി തടവിയ ശേഷം കാരറ്റ്, പനീർ മിശ്രിതം എന്നിവ ചേർത്ത് എണ്ണ ഒഴിച്ച് ചെറുതീയിൽ വേവിക്കുക. 5 മിനിറ്റിനു ശേഷം പകുതിയായി മടക്കി 2 മിനിറ്റ് വേവിക്കുക. പിന്നെ മറിച്ച് ഇടുക. 2 മിനിറ്റ് വേവിക്കുക. ചെറുപയർ പരിപ്പ് പനീർ ചീല തയാർ.

  • ബീറ്റ്‌റൂട്ട് ചേർത്ത മാവും ഇതുപോലെ ഉണ്ടാക്കി എടുക്കുക. 
  • ചട്ണി, അല്ലെങ്കിൽ സാമ്പാർ കൂട്ടി കഴിക്കാം.

English Summary : Moongdal paneer cheela, protein rich tiffin.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

എടേലേ ബീഫും ഉപ്പുമാവും കഴിച്ചാ ന്റെ സാറേ.. ചുറ്റുള്ളതൊന്നും കാണാൻ കയ്യൂല്ലാ! | Food Vlog

MORE VIDEOS
FROM ONMANORAMA