വളരെ പെട്ടെന്ന് തയാറാക്കാം സ്വാദിഷ്ടമായ തൈര് സാദം

എളുപ്പത്തിൽ തയാറാക്കാവുന്ന തൈര് സാദം.

ചേരുവകൾ:

• പച്ചരി - 1/2 കപ്പ്
• വെള്ളം - 2 കപ്പ്
• പാൽ - 1/2 കപ്പ്
• തൈര് - 1.5 കപ്പ്
• ഉഴുന്ന് പരിപ്പ് - 1 ടീ സ്പൂൺ
• കടുക് - 1/2 ടീ സ്പൂൺ
• വറ്റൽ മുളക് - 2
• കായപ്പൊടി - 1/4 ടീ സ്പൂൺ
• ഇഞ്ചി - 2 ടീ സ്പൂൺ
• പച്ചമുളക് - 1
• മല്ലിയില - കുറച്ച്
• കറിവേപ്പില - കുറച്ച്
• എണ്ണ  - 2 ടീ സ്പൂൺ
• ഉപ്പ്  - പാകത്തിന്

അലങ്കരിക്കാൻ:

• വറുത്ത അണ്ടിപ്പരിപ്പ് - 6-8
• മാതള അല്ലി - 1 ടേബിൾ സ്പൂൺ

തയാറാക്കുന്ന വിധം:

• അരി നല്ലതുപോലെ കഴുകിയശേഷം 20 മിനിറ്റ് കുതിർക്കാൻ വയ്ക്കുക.
• വെള്ള ഊറ്റിയശേഷം അരി കുക്കറിൽ ഇട്ട്  2 കപ്പ് വെള്ളം ഒഴിച്ച് നാലു മുതൽ അഞ്ച് വിസിൽ വരുന്നതുവരെ  വേവിക്കുക.

• ചോറ്  നന്നായി ഇളക്കി കുഴഞ്ഞ പാകത്തിൽ ആക്കുക.
• ശേഷം അരക്കപ്പ് പാൽ ചേർത്ത്   യോജിപ്പിക്കുക.
• ചോറ് നല്ലതുപോലെ തണുത്തതിനുശേഷം ഒരു മിക്സിങ് ബൗളിലേക്ക് മാറ്റുക.
• അതിൽ  ചെറുതായി അരിഞ്ഞ പച്ചമുളക്, ഇഞ്ചി, മല്ലിയില ചേർത്ത്  ഇളക്കുക.
• ഒന്നര കപ്പ് തൈരും,പാകത്തിന് ഉപ്പും ചേർത്ത്   നല്ല പോലെ യോജിപ്പിക്കുക.

• താളിക്കാൻ ഒരു ചെറിയ പാനിൽ 2 ടീസ്പൂൺ എണ്ണ ചൂടാക്കുക.
• ഉഴുന്നുപരിപ്പ് ,കടുക്, വറ്റൽ മുളക്, കറിവേപ്പില, കായപ്പൊടി ചേർത്ത്  വറുത്തശേഷം  തയാറാക്കിയ ചോറിൽ ചേർത്തു യോജിപ്പിക്കുക.

• സ്വാദിഷ്ടമായ തൈര് സാദം തയാർ.
• വിളമ്പുന്നതിന് മുമ്പ്  വറുത്ത അണ്ടിപ്പരിപ്പ്,  മാതള അല്ലി ചേർക്കാവുന്നതാണ്.

English Summary : Curd Rice, simple recipe for lunch.