ചെറുനാരങ്ങയും തേനും ചേർത്ത് ഹെൽത്തി ആപ്പിൾ ജ്യൂസ്

ചെറുമധുരവും പുളിയും ചേരുന്ന ടേസ്റ്റി ആപ്പിൾ ജ്യൂസ് വീട്ടിൽ തയാറാക്കാം.

ചേരുവകൾ 

• ആപ്പിൾ - 2 എണ്ണം 
• ചെറുനാരങ്ങ  - 2 എണ്ണം 
• ഇഞ്ചി - ഒരു ചെറിയ കഷ്ണം 
• തേൻ  - 3 ടേബിൾസ്പൂൺ 
• തണുത്ത വെള്ളം - 2 കപ്പ് 
• ഐസ് ക്യൂബ്സ് 

തയാറാക്കുന്ന വിധം 

• ആപ്പിൾ കഴുകിയ ശേഷം തൊലിയും കുരുവും കളഞ്ഞു ചെറിയ കഷ്ണങ്ങളാക്കി മുറിച്ചെടുക്കുക. 
• ശേഷം ഒരു മിക്സിയുടെ ജാറിലേക്ക് ആപ്പിൾ കഷ്ണങ്ങൾ, നാരങ്ങാനീര്, ഇഞ്ചി, തേൻ, ഐസ് ക്യൂബ്സ്, തണുത്ത വെള്ളം എന്നിവ ചേർത്ത് നന്നായി അടിച്ചെടുക്കുക. 
• ജ്യൂസ് അരിച്ചെടുത്തു കുടിക്കാം.

English Summary : Try out this wonderful juice made of apple lemon and honey.