രുചിയൂറും മാങ്ങ ഐസ്,  രണ്ടു ചേരുവകൾ മാത്രം

മാമ്പഴം കൊണ്ട് രുചിയൂറും ഐസ് എളുപ്പത്തിൽ തയാറാക്കുന്നത് എങ്ങനെയെന്നു നോക്കാം.

ചേരുവകൾ 

• പഴുത്ത മാങ്ങ - 3 എണ്ണം 
• പഞ്ചസാര - ആവശ്യത്തിന് 

തയാറാക്കുന്ന വിധം 

• മാങ്ങ കഴുകി തൊലി കളഞ്ഞ ശേഷം ചെറിയ കഷ്ണങ്ങളാക്കി മുറിച്ചെടുക്കുക. 
• ഒരു മിക്സിയുടെ ജാറിലേക്കു മാങ്ങ കഷ്ണങ്ങളും പഞ്ചസാരയും ചേർത്തു നന്നായി അടിച്ചെടുക്കുക. 
• ശേഷം സ്റ്റിക് ഐസ് ഉണ്ടാക്കുന്ന മോൾഡിലോ അല്ലെങ്കിൽ ഡിസ്പോസിബിൾ ഗ്ലാസിലോ സ്റ്റീൽ ഗ്ലാസ്സിലോ മാങ്ങ ജ്യൂസ് ഒഴിക്കുക. 
• ശേഷം അലൂമിനിയം ഫോയിൽ പേപ്പർ  വച്ച് മൂടി നടുവിലായി ഐസ് സ്റ്റിക്ക് ഇറക്കി കൊടുക്കുക. 
• ഒരു 8 മണിക്കൂർ ഫ്രീസറിൽ വച്ച് തണുപ്പിക്കുക. 
• ഐസ് എടുക്കാൻ നേരിയ ചൂട് വെള്ളത്തിൽ മോൾഡോ / ഗ്ലാസോ ഇറക്കി  വയ്ക്കണം. 
• ഇങ്ങനെ ചെയ്താൽ പെട്ടെന്ന് ഐസ് എടുക്കാനാകും. 
• ടേസ്റ്റി മാങ്ങ ഐസ് റെഡി. 

English Summary : Easy mango Ice cream recipe with basic ingredients.