ചക്കപ്പഴം ചേർത്ത് ഉണ്ണിയപ്പം സ്വാദോടെ തയാറാക്കാം

നല്ല സ്വാദുള്ള ഉണ്ണിയപ്പം ചക്കപ്പഴം ചേർത്തു വീട്ടിൽ തയാറാക്കുന്നത് എങ്ങനെയെന്നു നോക്കാം.

ചേരുവകൾ

• ചക്കപ്പഴം അരച്ചത് - 1 കപ്പ്
• പച്ചരി - 1 കപ്പ്
• ശർക്കര പൊടിച്ചത് - 1 കപ്പ്
• തേങ്ങ ചിരകിയത് - 1/4 കപ്പ്
• ഏലക്കായ - 4
• വെള്ളം - 2-3 ടേബിൾ സ്പൂൺ
• എള്ള് - 1/4 ടീ സ്പൂൺ
• ചുക്കുപൊടി - 1/4 ടീ സ്പൂൺ
• ഗോതമ്പുപൊടി - 2 ടേബിൾ സ്പൂൺ
• നെയ്യ് അല്ലെങ്കിൽ എണ്ണ -  ആവശ്യത്തിന്

തയാറാക്കുന്ന വിധം

• അരി കഴുകി 2 മണിക്കൂർ കുതിർത്തു വയ്ക്കുക. 
• ശേഷം ചക്ക പൾപ്പും 2 ടേബിൾ സ്പൂൺ വെള്ളവും ചേർത്ത് അരച്ചെടുക്കുക. 
• അരഞ്ഞ ശേഷം ശർക്കര, തേങ്ങ, ഗോതമ്പുപൊടി എന്നിവ ചേർത്ത് അരച്ചെടുക്കുക. 
• എള്ളും ചുക്കുപൊടിയും ചേർത്ത് ഇളക്കി ഉണ്ണിയപ്പ ചട്ടിയിൽ നെയ്യ് അല്ലെങ്കിൽ എണ്ണ ഒഴിച്ച് ചെറുതീയിൽ ചുട്ടെടുക്കുക. 

English Summary : Unniyappam with sweet slices of jackfruit.