ADVERTISEMENT

നല്ല മയമുള്ള, മൃദുവായ മൊരിഞ്ഞ ദോശ ഇഷ്ടമില്ലാത്തവർ ആരുമുണ്ടാവില്ല. സാധാരണ രീതിയിൽ അരിയും ഉഴുന്നും അരയ്ക്കുമ്പോൾ കൂടെ ഒരല്പം തേങ്ങ കൂടി ചേർത്ത് അരച്ചാൽ സൂപ്പർ രുചിയിൽ തേങ്ങാ ദോശ തയാർ.

 

ചേരുവകൾ

  • ഉഴുന്ന് - അര കപ്പ്
  • പച്ചരി - ഒരു കപ്പ്
  • തേങ്ങ ചിരകിയത് - ഒരു കപ്പ്
  • ചോറ് - കാൽ കപ്പ്
  • ഉപ്പ് - ആവശ്യത്തിന്

 

തയാറാക്കുന്ന വിധം

  • അരിയും ഉഴുന്നും നന്നായി കഴുകി വേറെ വേറെ കുതിർത്തുവയ്ക്കുക. രണ്ടു മുതൽ മൂന്നു മണിക്കൂർ വരെ കുതിർക്കണം.
  • ഒരു മിക്സിയുടെ ജാറിൽ ആദ്യം ഉഴുന്നും  ചോറും കൂടി ആവശ്യത്തിന് വെള്ളം ചേർത്ത് അരച്ചെടുക്കുക.
  • ഈ മാവ് ഒരു പാത്രത്തിലേക്കു മാറ്റിയ ശേഷം പച്ചരിയും തേങ്ങയും കൂടി നല്ല മയത്തിൽ അരച്ചെടുക്കുക.
  • അരിമാവും ഉഴുന്നു മാവും കൂടി നന്നായി യോജിപ്പിച്ചു 8 മണിക്കൂർ പുളിച്ചു പൊങ്ങാൻ വയ്ക്കുക.
  • പുളിച്ച മാവിലേക്ക് ആവശ്യത്തിന്  ഉപ്പ് ചേർത്ത് യോജിപ്പിക്കുക.
  • ഒരു ദോശക്കല്ലിൽ മാവ് പരത്തി അടച്ചുവച്ച് ഒരു മിനിറ്റ് വേവിക്കുക. ഈ ദോശ മറിച്ചു ഇടേണ്ട ആവശ്യമില്ല.
  • അൽപം നെയ്യ് കൂടി പുരട്ടി എടുത്താൽ രുചികരമായ തേങ്ങാ ദോശ തയാർ.
  • തേങ്ങാ ചമ്മന്തി കൂട്ടി കഴിക്കാനാണ് കൂടുതൽ രുചി.

English Summary : A soft and fluffy coconut dosa for breakfast with coconut chutney. 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com