ബിരിയാണിയെക്കാൾ രുചിയിൽ അഫ്ഗാനി പുലാവ്

HIGHLIGHTS
  • അഫ്ഗാനി പുലാവ് കുറഞ്ഞ സമയം കൊണ്ടു തയാറാക്കാം
afgani-pilaf
SHARE

ബിരിയാണി പ്രിയർക്ക് ഏറെ സന്തോഷം നൽകുന്ന ഒരു വിഭവമാണ് അഫ്ഗാനി പുലാവ്. ബിരിയാണിയെക്കാൾ രുചി കൂടുതലാണ്. കുറഞ്ഞ സമയം കൊണ്ടു തയാറാക്കാം. സാധാരണ ബിരിയാണി തയാറാക്കുന്നതു പോലെ ഒരുപാട് ചേരുവകൾ വേണ്ട ഈ പുലാവ് തയാറാക്കാൻ എന്നതും ഇതിന്റെ പ്രത്യേകതയാണ്.

ചേരുവകൾ

  • ചിക്കൻ - ഒരു കിലോഗ്രാം
  • ബസ്മതി അരി - 2 കപ്പ്
  • കാരറ്റ് - 3
  • പഞ്ചസാര - രണ്ട് ടീസ്പൂൺ
  • ഉണക്കമുന്തിരി - കാൽ കപ്പ്
  • റിഫൈൻഡ് ഓയിൽ - ഒരു കപ്പിന്റെ മൂന്നിലൊന്ന്
  • ജീരകം - ഒരു ടീസ്പൂൺ
  • ഏലയ്ക്ക -5
  • ഗ്രാമ്പു - 5
  • കറുവപ്പട്ട - ഒരു ചെറിയ കഷ്ണം
  • വഴനയില - 2
  • കുരുമുളക് - രണ്ട് ടീസ്പൂൺ
  • സവാള - 1 വലുത്
  • ഇഞ്ചി-വെളുത്തുള്ളി പേസ്റ്റ് - ഒരു ടേബിൾസ്പൂൺ
  • ചിക്കൻ സ്റ്റോക്ക് ക്യൂബ് - 3 എണ്ണം
  • പച്ചമുളക്-5

തയാറാക്കുന്ന വിധം

  • കാരറ്റ് കനം കുറച്ച് നീളത്തിൽ  അരിയുക.
  • ബസ്മതി അരി അര മണിക്കൂർ വെള്ളത്തിൽ കുതിർത്തുവയ്ക്കുക.
  • ചുവടു കട്ടിയുള്ള ഒരു വലിയ പാത്രത്തിൽ എണ്ണ ചൂടാക്കുക.
  • കാരറ്റും രണ്ടു ടീസ്പൂൺ പഞ്ചസാരയും കൂടി ചേർത്ത് തീ കൂട്ടിവച്ച് അഞ്ചുമിനിറ്റ് വറുക്കുക.
  • കാരറ്റ് കോരി മാറ്റിയതിനുശേഷം ഉണക്കമുന്തിരിയും വറുത്തു കോരുക.
  • അധികമുള്ള എണ്ണയിലേക്കു ജീരകം, മസാലകൾ ഇവ ചേർത്ത് വഴറ്റുക.
  • മസാലകൾ മൂത്തു തുടങ്ങുമ്പോൾ നീളത്തിൽ അരിഞ്ഞ സവാള, കുരുമുളക് ചതച്ചത് ഇവ ചേർത്തു വഴറ്റുക.
  • സവാള ബ്രൗൺ നിറമാകുമ്പോൾ ഇഞ്ചി വെളുത്തുള്ളി പേസ്റ്റ്  ചേർത്ത് വഴറ്റുക.
  • പച്ചമണം മാറുമ്പോൾ ചെറിയ കഷ്ണങ്ങളാക്കിയ ചിക്കൻ, ചിക്കൻ സ്റ്റോക്ക് ക്യൂബ് ഇവ ചേർക്കുക.(ക്യൂബിൽ ഉപ്പ് ഉള്ളതിനാൽ വേറെ ഉപ്പ് ചേർക്കേണ്ട.)
  • ചിക്കനിലെ വെള്ളം വറ്റി  നന്നായി മൊരിഞ്ഞ് ബ്രൗൺ നിറമായി എണ്ണ തെളിയുന്നതുവരെ വഴറ്റുക.(അധികം എണ്ണ ഉണ്ടെങ്കിൽ കോരി മാറ്റാം)
  • നീളത്തിൽ അരിഞ്ഞ പച്ചമുളക് കൂടി ചേർത്ത് വഴറ്റുക.
  • മൂന്നര കപ്പ് തിളച്ച വെള്ളം ഒഴിക്കുക. നന്നായി വെട്ടിത്തിളയ്ക്കുമ്പോൾ കഴുകി വാരി വച്ച അരി ചേർക്കുക. വെള്ളം വറ്റിത്തുടങ്ങുമ്പോൾ അടച്ചു വച്ച് ചെറിയ തീയിൽ 6 മിനിറ്റു കൂടി വേവിക്കുക.
  • തീ ഓഫ് ചെയ്ത ശേഷം വറുത്തുവച്ച കാരറ്റും ഉണക്കമുന്തിരിയും ചേർത്ത് അടച്ചു വയ്ക്കുക.
  • 15 മിനിറ്റിന് ശേഷം വിളമ്പാം.
  • തൈര് സലാഡോ തക്കാളി ചട്നിയോ ചേർത്തു കഴിയ്ക്കാം.

English Summary : Afghani chicken pulao recipe.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

2022 ജൂലൈ മാസഫലം | July Monthly Prediction 2022 | Monthly Horoscope Malayalam | Malayalam Astrology

MORE VIDEOS
FROM ONMANORAMA