ഓട്സ് ബോണ്ട, രുചികരമായ നാലു മണി പലഹാരം

ചായയ്ക്കൊപ്പം കഴിക്കാൻ പത്ത് മിനിറ്റിനുള്ളിൽ തയാറാക്കാവുന്ന പലഹാരക്കൂട്ട് ഇതാ...

ചേരുവകൾ

• ഓട്സ് – 1 കപ്പ്‌
• റവ  – 1 കപ്പ്‌
• മൈദ  – 1/2 കപ്പ്‌
• അധികം പുളി ഇല്ലാത്ത തൈര് – 1 കപ്പ്‌
• ബേക്കിങ് സോഡ    –  1/8 ടീസ്പൂൺ
• ഉള്ളി         – 1/2 കപ്പ്‌
• പച്ചമുളക്  – 4 എണ്ണം
• ഇഞ്ചി  – 1 ടേബിൾ സ്പൂൺ
• തേങ്ങാക്കൊത്ത്‌  –  1/2 കപ്പ്‌
• മല്ലിയില – 2 ടേബിൾസ്പൂൺ
• ഉപ്പ്  – ആവശ്യത്തിന്
• എണ്ണ  – വറുക്കുവാൻ ആവശ്യത്തിന്

തയാറാക്കുന്ന വിധം

• ഓട്സും റവയും മൈദയും ഉപ്പും ബേക്കിങ് സോഡയും നന്നായി യോജിപ്പിക്കുക. 
• അതിലേക്കു തൈരും ആവശ്യത്തിന് വെള്ളവും ചേർത്തിളക്കി മാവ് 10 മിനിറ്റ് വയ്ക്കുക.
• 10 മിനിറ്റിനു ശേഷം അതിലേക്കു ബാക്കിയുള്ള ചേരുവകൾ എല്ലാം ചേർത്തിളക്കി ഇഡ്ഡലി മാവിന്റെ പരുവത്തിലാക്കി എടുക്കുക. 
• 10  മിനിറ്റു കൂടി റസ്റ്റ്‌ ചെയ്യാൻ വയ്ക്കുക. 
• 10 മിനിറ്റിനു ശേഷം ചെറിയ ചെറിയ ബോളുകളാക്കി വറുത്തെടുക്കുക. 
• ചായയ്ക്കൊപ്പം കഴിക്കാം.

English Summary : Oats bonda, Instant teatime snacks.