പനീർ ഗീ റോസ്റ്റ്, റസ്റ്ററന്റ് രുചിയിൽ തയാറാക്കാം

HIGHLIGHTS
  • സ്വാദിഷ്ടമായ പനീർ ഗീ റോസ്റ്റ് എളുപ്പത്തിൽ തയാറാക്കാം
paneer-ghee-roast
SHARE

സ്വാദിഷ്ടമായ പനീർ ഗീ റോസ്റ്റ് വളരെ എളുപ്പത്തിൽ തയാറാക്കുന്നത് എങ്ങനെയെന്നു നോക്കാം.

ചേരുവകൾ :
• വറ്റൽ മുളക് (കുരു കളഞ്ഞത്) - 12 - 15 എണ്ണം
• മുഴുവൻ മല്ലി - 1 1/2 ടേബിൾസ്പൂൺ
• ജീരകം - 1 ടീസ്പൂൺ
• കുരുമുളക് - 1/2 ടീസ്പൂൺ
• കടുക് - 1/4 ടീസ്പൂൺ
• ഉലുവ - 1/4 ടീസ്പൂൺ
• വെളുത്തുള്ളി - 10 - 12 എണ്ണം
• ഇഞ്ചി - 1 ഇഞ്ച്
• പുളി നീര് - 2 ടേബിൾസ്പൂൺ
• വെള്ളം - 3 - 4 ടേബിൾസ്പൂൺ
• നെയ്യ് - 4 ടേബിൾസ്പൂൺ
• പനീർ (ക്യൂബ്) - 200 ഗ്രാം
• കറിവേപ്പില – ആവശ്യത്തിന്
• സവാള (അരിഞ്ഞത്) - 2 മീഡിയം
• ഉപ്പ് – ആവശ്യത്തിന്
• വെള്ളം - 3 - 4 ടേബിൾസ്പൂൺ
• തൈര് - 2 ടേബിൾസ്പൂൺ
• ശർക്കര / പഞ്ചസാര - 1/2 ടീസ്പൂൺ

തയാറാക്കുന്ന വിധം

• ഫ്രൈയിങ് പാൻ ചൂടാക്കി വറ്റൽ മുളക്, മുഴുവൻ മല്ലി, ജീരകം, കുരുമുളക്, കടുക്, ഉലുവ എന്നിവ ചേർത്ത് 2 - 3 മിനിറ്റ് ഇളക്കി റോസ്റ്റ് ചെയ്ത് എടുക്കാം, ശേഷം ചെറിയ മിക്സർ ജാറിലേക്ക് ഇട്ട് വെളുത്തുള്ളിയും ഇഞ്ചിയും പുളി നീരും, വെള്ളവും ചേർത്ത് നല്ല പേസ്റ്റായി അടിച്ചെടുത്തു മാറ്റിവയ്ക്കാം.

• ഒരു ഫ്രൈയിങ് പാനിൽ നെയ്യ് ചൂടാക്കിയ ശേഷം പനീർ ചേർത്തു ഇരുവശവും ലൈറ്റ് ബ്രൗൺ നിറമാകുന്നതുവരെ വറുത്തെടുക്കാം. ഇതിനി ഒരു പാത്രത്തിലോട്ടു മാറ്റിവയ്ക്കാം.

• ഇതേ പാനിലേക്കു കുറച്ച് കറിവേപ്പിലയും സവാളയും ആവശ്യത്തിന് ഉപ്പും ചേർത്തു സവാള ലൈറ്റ് ബ്രൗൺ നിറമാകുന്നതുവരെ വഴറ്റിയെടുക്കാം, ശേഷം തയാറാക്കി വച്ചിരിക്കുന്ന പേസ്റ്റും കുറച്ച് വെള്ളവും നെയ്യും ചേർത്തു മസാല മൂത്ത് എണ്ണ തെളിയുന്നതുവരെ (8 - 10 മിനിറ്റ്) നന്നായി ഇളക്കി കൊടുക്കാം. ഇതിലേക്കു തൈരും ശർക്കരയും വറുത്ത പനീറും ചേർത്തു നന്നായി യോജിപ്പിച്ച് എടുക്കാം.

English Summary : A simply delicious and flavorful recipe of vegetarian ghee roast.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

നാല് നായകന്മാരും ഒരു സാനിയയും | Nivin Pauly | Aju Varghese | Saiju Kurup | Siju Wilson | Saniya

MORE VIDEOS