പപ്പടം ചമ്മന്തി, ഊണ് കഴിക്കാൻ ഇതു മാത്രം മതി

ചോറിനും  കഞ്ഞിക്കും ദോശയ്ക്കും ഇതു മതി, കൂടാതെ മടിയുള്ള ദിവസം തയാറാക്കാൻ പറ്റിയ വിഭവം, പച്ചക്കറി ഒന്നും ഇല്ലെങ്കിലും ഊണ് കഴിക്കാൻ ഇതു മതി.

ചേരുവകൾ

• പപ്പടം - 4 എണ്ണം (വറത്തത്)
• നാളികേരം -1/2 മുറി തേങ്ങ ചിരകിയത്
• ചുവന്നുള്ളി - 10 എണ്ണം
• ഇഞ്ചി - 2 സ്പൂൺ
• മുളകു പൊടി - 2 സ്പൂൺ
• പുളി - 1 നെല്ലിക്കാ വലിപ്പം
• കറിവേപ്പില - 3 തണ്ട്
• ഉപ്പ് - 1 സ്പൂൺ

തയാറാക്കുന്ന വിധം

മിക്സിയുടെ ജാറിൽ ഇഞ്ചി, ഉള്ളി അരിഞ്ഞത്, കറിവേപ്പില, നാളികേരം, ഉപ്പ്, മുളകു പൊടി, പുളി, വറുത്ത പപ്പടം എല്ലാം ഒന്നിച്ച് ചേർത്ത് വെള്ളം ചേർക്കാതെ അരച്ച് എടുക്കുക. വളരെ രുചികരമായ ഒന്നാണ് പപ്പട ചമ്മന്തി.

English Summary :  Pappad Chammanthi is a traditional styled innovative side dish.