സ്വാദിഷ്ടമായ കപ്പ അവിയൽ, ചോറിനൊപ്പം കഴിക്കാം

കപ്പ അവിയൽ ഉച്ചയ്ക്ക് ചോറിന്റെ കൂടെ മാത്രമല്ല വൈകിട്ട് ചായയ്ക്കൊപ്പവും രാത്രി ലഘു ഭക്ഷണമായും കഴിക്കാം.

ചേരുവകൾ

• കപ്പ നീളത്തിൽ അരിഞ്ഞത് - 1 കിലോഗ്രാം
• തേങ്ങ - 1/2 മുറി
• പച്ചമുളക് - 2 എണ്ണം
• ജീരകം - 1 സ്പൂൺ
• മഞ്ഞൾ പൊടി - 1 സ്പൂൺ
• വെളിച്ചെണ്ണ - 3 സ്പൂൺ
• കറിവേപ്പില - 3 തണ്ട്

തയാറാക്കുന്ന വിധം

കപ്പ തോൽ കളഞ്ഞു കഴുകി നീളത്തിൽ അരിഞ്ഞു എടുക്കുക. ശേഷം പ്രഷർ കുക്കറിൽ 2 വിസിൽ വച്ചു വേവിക്കുക. മിക്സിയുടെ ജാറിൽ തേങ്ങ, പച്ചമുളക്, ജീരകം, കറിവേപ്പില, മഞ്ഞൾ പൊടി എന്നിവ ചതച്ചെടുക്കുക. വേവിച്ച കപ്പ വീണ്ടും കഴുകി ഒരു മൺ ചട്ടിയിലേക്ക് എടുത്തു ചതച്ച കൂട്ടും ഉപ്പും വെളിച്ചെണ്ണയും ചേർത്തു കൈകൊണ്ടു കുഴച്ചു ചെറിയ തീയിൽ ചൂടാക്കി വേവിച്ച് എടുക്കുക.

English Summary : Kappa for all seasons - many avatars of the magic starch root.