പ്രത്യേകിച്ചു യാതൊരു കറിയും വേണ്ടാത്ത ടേസ്റ്റി ദോശ.
ചേരുവകൾ
- തക്കാളി - 3 എണ്ണം
- ഇഞ്ചി - 1 കഷ്ണം
- വെളുത്തുള്ളി - 4 അല്ലി
- കറിവേപ്പില - ആവശ്യത്തിന്
- മല്ലിയില - ആവശ്യത്തിന്
- ജീരകം - ഒരു നുള്ള്
- വറ്റൽമുളക് - 4 എണ്ണം
- റവ - 1 കപ്പ്
- മൈദ - ½ കപ്പ്
- തൈര് - 4 സ്പൂൺ
- തേങ്ങ - ½ കപ്പ്
- സോഡാ പൊടി - കാൽ സ്പൂൺ
- ഉപ്പ് - ആവശ്യത്തിന്
തയാറാക്കുന്ന വിധം
മിക്സിയുടെ ജാറിലേക്കു തക്കാളി, വെളുത്തുള്ളി, ഇഞ്ചി, കറിവേപ്പില എന്നിവ നല്ലതുപോലെ അരച്ചു മാറ്റിവയ്ക്കുക. അതിനു ശേഷം 1 കപ്പ് റവ, മൈദ, തൈര്, തേങ്ങാ, ജീരകം, മല്ലിയില എന്നിവ ആവശ്യത്തിനു വെള്ളവും ചേർത്തു നല്ലതുപോലെ അരച്ച് എടുക്കുക.
തക്കാളി പേസ്റ്റ് ഈ മാവിന്റെ കൂടെ നല്ലതുപോലെ ഇളക്കി യോജിപ്പിച്ചു മാവിന് ആവശ്യമായ ഉപ്പ് കുറച്ചു സോഡാപ്പൊടി വറ്റൽമുളകു പൊടിച്ചത് ലേശം വെളിച്ചണ്ണ എന്നിവ ചേർത്ത് ഇളക്കി 15 മിനിറ്റ് അടച്ചു വയ്ക്കുക. ശേഷം ദോശ തയാറാക്കാം.
English Summary : Instant rava tomato dosa recipe.
